Perezida Donald Trump yagaragaje ko yanyuzwe n’umwihariko w’Umuganda mu Rwanda

Perezida wa Leta Zunze Ubumwe za Amerika, Donald Trump, yatangaje ko yashimishijwe n’igikorwa cy’Umuganda rusange gikorwa mu Rwanda, aho abaturage bafata umunsi umwe mu kwezi bagasohoka bagakora ibikorwa by’isuku n’iterambere rusange

Ibi yabitangaje ku wa Mbere tariki ya 11 Kanama 2025, avuga ko yanyuzwe n’iyi gahunda, ndetse agaragaza ko ari urugero rwiza igihugu cye cyakwigiraho. Trump yavuze ko atari azi ko hari abaturage bajya gufata umwanya wo gusukura aho batuye, bagakora ibikorwa byo gukoresha no gutunganya imihanda n’ibindi bikorwa by’ingirakamaro.

Yagize ati: “Hari ibihugu bifata umunsi wo ku wa Gatandatu, abaturage bakajya mu mihanda bagakora isuku, bagatunganya aho batuye. Twe ntituri ku rwego nk’urwo, ariko ni ibintu byiza cyane kubyumva no kubibona.”

Umunyamabanga wa Leta ushinzwe Ububanyi n’Amahanga n’Ubutwererane w’u Rwanda, Ambasaderi Olivier Nduhungirehe, yahise ashimangira ko ibyo Perezida Trump yashimye ari gahunda y’Umuganda, umuco umaze gufata indi ntera mu Rwanda, ndetse ukaba waranatangiye kugera no mu bindi bihugu, cyane cyane binyuze mu ngabo z’u Rwanda ziba ziri mu butumwa bwo kugarura amahoro mu mahanga.

Umuganda wasubukuwe na Leta y’Ubumwe mu 1998, mu rwego rwo kubaka igihugu cyari kimaze kwangizwa na Jenoside yakorewe Abatutsi mu 1994, ndetse ubu umaze kuba kimwe mu biranga u Rwanda ku rwego mpuzamahanga.

Izindi nkuru:

RGB yahagaritse by’agateganyo amasengesho yo Kwa Yezu Nyirimpuhwe Ingabo zirenga 400 za SAMIDRC zari i Goma zatashye zinyuze mu Rwanda Ni nde uri guhabwa amahirwe menshi yo gusimbura Papa Francis? Congo yitabaje abacanshuro b’Abanya-Colombia mu guhangana na M23 Kigali: Umugabo akurikiranyweho udupfunyika turenga 200 yari avanye Nyagatare Ingabo za Congo zirashijwa kurya inka za Joseph Kabila wahoze ari perezida wa Congo (DRC). Rwanda: Hagiye gutorwa itegeko ryo gutera abantu intanga no gutwitira undi muntu.. Umwuka mubi uracyatutumba hagati y’u Rwanda na Congo Wema Sepetu yanyomoje ibihuha byavugaga ko yapfuye Rwanda: Leta y’u Rwanda itanze ikiruhuko k’iminsi 4 “U Rwanda rushobora kwakira abarikunywe muri Leta zunze ubumwe z’Amerika” Amagambo ya Minister NDUHUNGIREHE. Rutsiro: Umusore ari gushakishwa nyuma yo gukekwaho gukubita Nyina bikamuviramo urupfu Bugesera: Imirimo yo kubaka ikibuga k’indege izarangira 2027 Intambara y’Ubuhinde na Pakistan yahinduye isura nyuma y’ibitero karahabutaka Sukhoi, Kajugujugu n’ibifaru ku Kibuga cy’Indege cya Goma, nibura umuturage abarirwa imbunda ebyiri Bahujwe n’urupfu rwa Papa, Trump na Zelensky byarangiye baganiriye. Kwita Izina abana b’ingagi byasubukuwe Nyagatare: Bujuje Ibiro by’akarere bigezweho, abayobozi bitwezweho gutanga umusaruro ufatika. ITANGAZO RIGENEWE ABIFUZA KWINJIRA MURI POLISI Y’U RWANDA (RNP). Kicukiro: Umugabo yishe umugore urwagashinyaguro