Inzu ndangamurage ya Louvre yo mu Mujyi wa Paris yongeye gufungura imiryango mu gitondo cyo kuri uyu wa Gatatu, nyuma y’iminsi itatu yari ifunze kubera ubujura bwakorewe muri bimwe mu bintu by’agaciro byari biyirimo.
Umushinjacyaha w’i Paris yatangaje ko ibikoresho byibwe birimo imikufi, amaherena, n’udutako twambarwa bifite agaciro kagereranywa na miliyoni 88 z’amayero (ahwanye na miliyoni 102 z’amadolari y’Amerika).
Umuyobozi w’iyi nzu, Laurence des Cars, ategerejwe muri Sena y’u Bufaransa kugira ngo asobanure uburyo inzu ndangamurage isurwa cyane ku Isi ishobora kwinjirwamo n’abajura ku manywa y’ihangu. Buri mwaka, abarenga miliyoni icyenda basura iyi nzu ifite amateka yihariye.
Amakuru yatangajwe n’inzego z’umutekano avuga ko imikufi umunani ari yo yibwe, irimo ingori za diadème, amaherena, udutako (brooches) n’iminyururu mito (chaînettes), byose bikaba byari byakozwe mu kinyejana cya 19.
Ibimwe muri byo byahoze ari iby’abantu bakomeye mu mateka y’u Bufaransa, nka umugore wa Napoleon III, Umwamikazi Marie-Amelie na Hortense. Iyi mikufi yari ifite amadiamant n’andi mabuye y’agaciro atagereranywa.
Abashinzwe iperereza batangaje ko abajura bashobora kudashobora kugurisha iyo mikufi uko yakabaye bitewe n’uko izwi cyane, ahubwo bashobora gutandukanya ibice byayo kugira ngo babigurishe ukwari.
Icyakora, inzego z’umutekano zatangaje ko umwe mu mikufi yibwe watoraguwe mu muhanda aho bikekwa ko abajura bawujugunye bari guhunga, bivugwa ko wabacitse mu gihe barimo guhunga ahabereye ubujura.
Izindi nkuru:
Minisitiri yeguye nyuma yo gutangaza ko ataragura umuceri na rimwe mu buzima bwe
Kigali: Abakekwaho kwiba amabuye y’agaciro batawe muri yombi.
Dore uburyo watandukana burundu n’indwara y’umutwe udakira
Dore uko imbunda zimizinga zikorerwa mu Rwanda
Ingabire Immaculée yitabye Imana ku myaka 64
Ibinyabiziga bikoresha amashanyarazi mu byakuriweho umusoro ku nyongeragaciro
Umuhanda Nyaruvumu-Gituku witezweho guhindura ubuzima bwa benshi
Hinton watangije AI yaburiye Isi kubera ibyango bigiye guterwa na AI
Ukraine yasutsweho ibisasu nyuma y’amasaha 30 y’agahenge.
Umubano w’u Rwanda n’u Burundi waganiriweho hagati y’Abayobozi mu nzego nkuru z’Ibihugu byombi
Gakenke: Ikamyo ikoze impanuka ikomeye
Perezida Kagame yagiranye ibiganiro na Umaro Embaló wa Guinea-Bissau.
Umwana w’imyaka 16 yiyahuriye Kwa Pasiteri
Abafite imitungo kuri Gare ya Nyabugogo baratangira kubarurirwa imitungo
Leta ya Congo igiye kujyanwa mu nkiko n’abaturage bayo
Afurika y’Epfo yasobanuye impamvu kunyuza ingabo za SADC ku kibuga cy’indege cya Goma bitashobotse
Igihugu cya Chile kibasiwe n’umutingito, Leta yabwiye abaturage ko bagomba guhunga ikindi kiza cya Tsunami gishobora kwibasira iki gihugu.
Bugesera: Haravugwa inkuru mbi y’umusore wasanzwe mu cyumba yapfuye
Ibrahim Traore yitabiriye ibirori byo kwizihiza imyaka 80, Uburusiya butsinze intambara ya 2 y’isi
Perezida wa Botswana Duma Boko yahigiye guhura na Donald Trump