Ingabo za Repubulika Iharanira Demokarasi ya Congo (RDC) zagabye ibitero bikomeye mu bice bitandukanye bigenzurwa n’Ihuriro AFC/M23, biherereye mu ntara ya Kivu y’Amajyaruguru.
Umuvugizi wa AFC/M23, Lawrence Kanyuka, yatangaje ko kuva mu rukerera rwo kuri uyu wa mbere, ingabo za Leta zagabye ibitero byifashishije drones n’imbunda zirasa kure, mu duce twa Kibati (Walikale), Bibwe, Nyabiondo na Bukombo (Masisi) ndetse no mu bice bihana imbibi.
Kanyuka yavuze ko ibi bitero byagize ingaruka zikomeye ku basivili:
“Abana n’abagore bari kwicwa, umubare w’abakomerekejwe n’abahunga uriyongera ku rwego ruteye impungenge. Kinshasa yagaragaje umugambi wayo wo gushoza intambara ku baturage bayo, yirengagije intambwe zose z’amahoro zatanzwe n’amahanga.”
Yakomeje avuga ko AFC/M23 igiye kwirwanaho no kurinda abasivili uko ishoboye:
“Bitewe n’uyu mugambi w’ubwicanyi, AFC/M23 nta yandi mahitamo ifite keretse gukoresha uburenganzira bwo kwirwanaho. Tuzakoresha uburyo bwose bushoboka mu kurinda abasivili no gusenya abanyabyaha.”
Ibi bitero bibaye mu gihe ibiganiro hagati ya Leta ya RDC na AFC/M23 bikomeje muri Qatar, bigamije gushaka inzira y’amahoro arambye.
Umuvugizi w’ingabo za RDC, Gen Maj Sylvain Ekenge Bomusa, aherutse gusubiza abibazaga impamvu bagabye ibitero, avuga ko ari uguhorera ibitero bya AFC/M23.
“Muri Kiliziya ni ho bakubwira ngo nihagira ugukubita urushyi ku musaya w’ibumoso, utega n’uw’iburyo. Ntabwo twakomeza kurebera ibitero n’ubushotoranyi,” niko yavuze.
Umunyamabanga uhoraho wa AFC/M23, Benjamin Mbonimpa, uri muri Qatar, yatangaje ko ibyo bitero bishobora kuzambya ibiganiro by’amahoro, yemeza ko iri huriro rizakomeza gushyira imbere inzira y’amahoro ariko rikanirwanaho nibiba ngombwa.
Izindi nkuru:
Afurika y’Epfo yasobanuye impamvu kunyuza ingabo za SADC ku kibuga cy’indege cya Goma bitashobotse
Ukraine yasutsweho ibisasu nyuma y’amasaha 30 y’agahenge.
Kigali: Abakekwaho kwiba amabuye y’agaciro batawe muri yombi.
Abafite imitungo kuri Gare ya Nyabugogo baratangira kubarurirwa imitungo
Igihugu cya Chile kibasiwe n’umutingito, Leta yabwiye abaturage ko bagomba guhunga ikindi kiza cya Tsunami gishobora kwibasira iki gihugu.
Umubano w’u Rwanda n’u Burundi waganiriweho hagati y’Abayobozi mu nzego nkuru z’Ibihugu byombi
Ibinyabiziga bikoresha amashanyarazi mu byakuriweho umusoro ku nyongeragaciro
Dore uko imbunda zimizinga zikorerwa mu Rwanda
Gakenke: Ikamyo ikoze impanuka ikomeye
Bugesera: Haravugwa inkuru mbi y’umusore wasanzwe mu cyumba yapfuye
Minisitiri yeguye nyuma yo gutangaza ko ataragura umuceri na rimwe mu buzima bwe
Umwana w’imyaka 16 yiyahuriye Kwa Pasiteri
Perezida Kagame yagiranye ibiganiro na Umaro Embaló wa Guinea-Bissau.
Perezida wa Botswana Duma Boko yahigiye guhura na Donald Trump
Dore uburyo watandukana burundu n’indwara y’umutwe udakira
Ingabire Immaculée yitabye Imana ku myaka 64
Umuhanda Nyaruvumu-Gituku witezweho guhindura ubuzima bwa benshi
Hinton watangije AI yaburiye Isi kubera ibyango bigiye guterwa na AI
Leta ya Congo igiye kujyanwa mu nkiko n’abaturage bayo
Ibrahim Traore yitabiriye ibirori byo kwizihiza imyaka 80, Uburusiya butsinze intambara ya 2 y’isi