Minisitiri w’Ububanyi n’Amahanga n’Ubutwererane w’u Rwanda, Ambasaderi Olivier Nduhungirehe, yatangaje ko guverinoma ya Repubulika Iharanira Demokarasi ya Congo (RDC) nta ruhare izagira mu gufungura ikibuga mpuzamahanga cy’indege cya Goma, nk’uko bamwe bari babyibazaho.
Ibi yabitangaje nyuma y’uko mu nama yiga ku mutekano w’akarere k’Ibiyaga Bigari yabereye i Paris ku wa 30 Ukwakira 2025, Perezida w’u Bufaransa Emmanuel Macron avuze ko mu byumweru bike ikibuga cy’indege cya Goma kizafungurwa, ndetse asaba Qatar na Leta Zunze Ubumwe za Amerika gutanga ubufasha kugira ngo ibyo bigerweho.
Minisitiri w’Ububanyi n’Amahanga w’u Bufaransa, Jean-Noël Barrot, yasobanuye ko iyi nama yari igamije kwihutisha ibiganiro byatuma ikibuga cy’indege cya Goma gifungurwa, kandi ko umwanzuro wa nyuma uzafatirwa mu biganiro hagati ya ihuriro AFC/M23 rikigenzura icyo kibuga na Leta ya RDC, bizabera i Doha muri Qatar.
Ku wa 1 Ugushyingo, Umuvugizi wa Guverinoma ya RDC, Patrick Muyaya, yatangaje ko inzego za Leta zishinzwe ibibuga by’indege n’ingendo zo mu kirere za gisivili arizo zifite ububasha bwo kugenzura ikibuga cya Goma. Yagize ati: “Nubwo AFC/M23 igenzura binyuranyije n’amategeko ikibuga cya Goma, nta burenganzira ifite bwo gufata icyemezo ku ndege zizajya zihagwa.”
Ariko Minisitiri Nduhungirehe yasubije Muyaya ko ibyo avuga bidafite ishingiro, kuko nk’uko u Bufaransa bwabisobanuye, icyemezo cyo gufungura ikibuga kizafatirwa mu biganiro bya Doha kandi nta ruhare rwa Leta ya RDC ruzabigiramo.
Yagize ati: “Mbere yo kuyobya abantu, Muyaya akwiye kwibuka ko u Bufaransa bwateguye iyi nama bwasobanuye neza ko igitekerezo cy’ifungurwa ry’ikibuga cya Goma kizafatirwa mu biganiro bya Doha, kandi MONUSCO na AFC/M23 byonyine ari byo bizabigiramo uruhare.”
Perezida Macron yavuze ko iki kibuga kizajya kigwaho indege z’ubutabazi kabiri mu cyumweru, mu rwego rwo gufasha abaturage b’Uburasirazuba bwa RDC bahuye n’ibibazo by’umutekano muke n’ubuhunzi.
Izindi nkuru:
Nyagatare: Bujuje Ibiro by’akarere bigezweho, abayobozi bitwezweho gutanga umusaruro ufatika.
Ingabo za Congo zirashijwa kurya inka za Joseph Kabila wahoze ari perezida wa Congo (DRC).
Rwanda: Hagiye gutorwa itegeko ryo gutera abantu intanga no gutwitira undi muntu..
“U Rwanda rushobora kwakira abarikunywe muri Leta zunze ubumwe z’Amerika” Amagambo ya Minister NDUHUNGIREHE.
U Rwanda ku isonga muri Afurika mu bihugu bifite ubuyobozi bwubahiriza amategeko
Sukhoi, Kajugujugu n’ibifaru ku Kibuga cy’Indege cya Goma, nibura umuturage abarirwa imbunda ebyiri
Umwuka mubi uracyatutumba hagati y’u Rwanda na Congo
Kinshasa: RDC mu bwoba bw’abasirikare bakekwaho umugambi wo guhungabanya Perezida Tshisekedi
Bugesera: Imirimo yo kubaka ikibuga k’indege izarangira 2027
Intambara y’Ubuhinde na Pakistan yahinduye isura nyuma y’ibitero karahabutaka
Congo yitabaje abacanshuro b’Abanya-Colombia mu guhangana na M23
Kicukiro: Umugabo yishe umugore urwagashinyaguro
Umunya-Suède niwe wegukanye Shampiyona y’Isi y’Amagare mu cyiciro cy’Abatarengeje imyaka 23
Ni nde uri guhabwa amahirwe menshi yo gusimbura Papa Francis?
Kigali: Umugabo akurikiranyweho udupfunyika turenga 200 yari avanye Nyagatare
Rutsiro: Umusore ari gushakishwa nyuma yo gukekwaho gukubita Nyina bikamuviramo urupfu
I Karongi: kuri Dawe uri mu ijuru habereye impanuka yahitanye umuntu n’ihene 30
Kwita Izina abana b’ingagi byasubukuwe
RGB yahagaritse by’agateganyo amasengesho yo Kwa Yezu Nyirimpuhwe
Rwanda: Leta y’u Rwanda itanze ikiruhuko k’iminsi 4