U Bushinwa bwasubitse gahunda yo gucyura Abashinwa batatu bari mu isanzure

Ikigo cy’u Bushinwa gishinzwe iby’isanzure, CNSA (China National Space Administration), cyatangaje ko cyasubitse gahunda yo kugarura ku Isi Abashinwa batatu bari mu isanzure, nyuma y’uko hagaragaye ibibazo bikekwa ku cyogajuru cyagombaga kubacyura.

Aba basanzwe mu isanzure barimo Chen Dong, Chen Zhongrui na Wang Jie, bajyanywe muri Mata 2025 mu rugendo rw’amezi atandatu. Byari biteganyijwe ko bazagaruka ku Isi ku wa 5 Ugushyingo 2025 bakoresheje icyogajuru Shenzhou-20, ariko gahunda yo kubacyura yasubitswe bitunguranye.

Mbere y’uko iby’iyo gahunda bisubikwa, Chen Dong yari yatangaje ko yamaze guha itsinda ribasimbura urufunguzo rwa sitasiyo y’u Bushinwa iri mu isanzure, nk’ikimenyetso cyo gusoza inshingano zabo. Uwo muhango w’itangwa ry’urufunguzo watambutse kuri Televiziyo y’igihugu, CCTV.

CNSA yatangaje ko icyemezo cyo gusubika kigaragaza “gushyira imbere umutekano w’abogejuru”, ndetse ko hatangiye isesengura ryimbitse ku bibazo icyogajuru gishobora kuba gifite. Gusa ntabwo yatangaje igihe Abashinwa batatu bazagarukira ku Isi, cyangwa igihe gahunda nshya yo kubacyura izatangirira.

Iyi sitasiyo y’u Bushinwa mu isanzure, izwi nka Tiangong, ni kimwe mu bikorwa by’ingenzi mu mugambi w’igihugu cyo guharanira kuba kimwe mu bihugu biyoboye isanzure ku isi.

Izindi nkuru:

Perezida Ramaphosa yahumurije abibazaga ku mubano we na Perezida Kagame, yemeza ko nta kibazo bafitanye AFC/M23 na Leta ya Congo bagiranye amasezerano Paul Biya w’imyaka 92 yatorewe manda nshya, akomeza kuba Perezida ukuze ku Isi Imiti yinjira muri Amerika igiye kujya isoreshwa ku rugero rwa 100% Kigali: Ibiribwa birikugura umugabo bigasiba undi Walikale: Umusirikare wasinze yishe bagenzi be batatu, akomeretsa benshi Yakoze amahano- Boris Johnson kuri Starmer wahagaritse gahunda yo kohereza abimukira mu Rwanda Wamvana he? Perezida Kagame abwira abumva bamutera ubwoba Isi igiye kubona Papa mushya, abanyarwanda bariyumva bate? UR-CAVM abanyeshuri banze gukora ibizamini UR NA RP: HEC yagaragaje impamvu gusaba inguzanyo bitari gukunda HE Paul KAGAME yababajwe n’urupfu rwa Papa Francis. Impamvu zatumye RGB ifunga Grace room Ministries ya KABANDA Julienne Ubumenyi abanyeshuri bahabwa ntibwatuma babona akazi, MIFOTRA irashaka ko system y’imyigishirize ihinduka. Musanze: Arakekwaho kwica umugabo we maze akiyahura Agashya: Mu Rwanda hageze imodoka ikorapa ikanakubura imihanda Uruganda rutunganya urumogi rugeze kuri 83% Abadepite bo muri Kenya bemeje itegeko rigenga ifaranga koranabuhanga “Harifunzwa Leta y’inzibacyuho muri Congo (DRC)” Iki ni ikifuzo cy’umuhuza washyizeho na SADEC na EAC. Volkswagen yashyikirije FERWACY imodoka nshya 114 zizifashishwa muri Shampiyona y’Isi y’Amagare i Kigali