Ubuyobozi bwa Koreya y’Epfo bwatangaje ko bugiye guha abaturage bose b’icyo gihugu amafaranga y’ubuntu, agamije gufasha mu kuzamura ubukungu binyuze mu kongerera abaturage ubushobozi bwo kugura ibintu bitandukanye.
Ni gahunda yagenewe ingengo y’imari yihariye ya miliyari 23,3 z’Amadolari. Yemejwe n’Inteko Ishinga Amategeko ya Koreya y’Epfo ku wa 4 Nyakanga 2025.
Guha ayo mafaranga abaturage bizakorwa mu byiciro bibiri aho icya mbere kizatangira ku wa 21 Nyakanga kugeza ku wa 12 Nzeri 2025.
Minisitiri w’Ubutegetsi bw’Igihugu Wungirije wa Koreya y’Epfo, Kim Min-jae yagize ati “Tuzategura neza itangwa ry’aya mafaranga kugira ngo afashe ubukungu kuzamuka binyuze mu kongerera abantu ubushobozi bwo kugura no gufasha abatishoboye.”
Buri muturage muri Koreya y’Epfo mu cyiciro cya mbere azahabwa 150.000 by’Ama-won akoreshwa muri icyo Gihugu (110$).
Ayo mafaranga azatangwa ashyirwa ku makarita yo kwishyuriraho asanzwe akoreshwa ariko abadakoresha iryo koranabuhanga inzego z’ibanze zizabafasha kubona ibyangombwa bimerera kugura ibintu runaka bakoresheje ya mafaranga ariko batayahawe mu ntoki.
Mu gutanga ayo amafaranga ariko ab’amikoro make bo bazahabwa ayisumbuyeho kuko uretse ayo madolari 110 agenewe buri muntu bo bazahabwa andi ku ruhande.
Imiryango ikennye cyane n’iy’abagore barera abana bonyine badafite abo babana nk’abashakanye bazongerwa amadolari 220.
Abasanzwe bahabwa na Leta inkunga yo kwibeshaho bo bongerwe andi mdolari 290 mu gihe abatuye mu byaro bo bazongerwa andi madolari 37.
Icyiciro cya kabiri cyo gutanga ayo mafaranga giteganyijwe kuva ku wa 22 Nzeri kugeza ku wa 31 Ukwakira 2025.
Icyo gihe hazatangwa amadolari 73 ku bantu bagize ijanisha rya 90% by’abinjiza amafaranga make muri Koreya y’Epfo.
Koreya y’Epfo isanzwe ari Igihugu cya kane gikize muri Aziya, gusa ubukungu bwayo bwatangiye kugenda nabi mu 2024 bitewe n’ibibazo byo kweguza Yoon Suk Yeol wari Perezida w’icyo gihugu.
Perezida mushya wa Koreya y’Epfo, Lee Jae-myung yatangiranye ingamba zo kuzahura ubukungu bw’icyo gihugu zirimo kunganira abaturage mu kubona ubushobozi bwo kugura no kongera ishoramari mu by’Ubwenge Buhangano.
Impuguke mu bukungu zivuga ko uko kunganira abaturage bishobora kuzakurura gutakaza agaciro kw’ifaranga kuko ayo mafaranga azaboneka binyuze mu nguzanyo icyo gihugu kizafata ngo izibe icyuho cya 4,2% by’Ingengo y’imari; ibizatuma umwenda wose Koreya y’Epfo ifite ugera kuri 49,1% b’Umusaruro Mbumbe wayo.
Soma izindi nkuru zacu hano
Izindi nkuru:
Abafite amazu acumbikamo abakerarugendo bashyiriweho umusoro.
Dufite ubushobozi bwo kwirinda Kandi ubuzima buruta amafaranga” Amagambo ya Brig Gen RWIVANGA.
Ese u Rwanda na Congo byaba bigiye kwiyunga? Ni ki twakitega kuri Trump?
Yacakiwe na polisi nyuma yo guta umwana mu musarani
Ubushinjacyaha bwajuririye icyemezo gihagarika iperereza kuri Agathe Kanziga
Ese Papa witabye Imana ni muntu ki?
Gakenke: Inyubako ya Leta imaze imyaka 23 idakoreshwa yashibutsemo ibiti
Inkongi y’umuriro yongeye kwibasira America, ishobora kugera ahabitse ibisasu kirimbuzi, abasaga ibihumbi 3 bamaze kugirwaho ingaruka niyi nkongi.
Rubavu: Abanyarwanda 360 mu bari barafashwe bugwate na FDLR batangiye gutaha
U Rwanda rushobora kwakira amashami amwe ya Loni
Amakuru Mashya: Ibitero Bikomeye hagati ya Israel na Iran Byakajije Umurego – Abantu Bapfuye, Ibikorwa Remezo Birasenyuka
Perezida Kagame yavuze ku buryo Tshisekedi yahawe ubutegetsi mu manyanga Kenyatta na Ramaphosa bareba
Musanze: Umusore w’imyaka 25 yasanzwe yapfuye amanitse mu mugozi
Ese umukwe n’umugeni bazajya batanga umusoro? RRA irabivugaho iki?
Kazungu Denis wishe abakobwa arasaba kugabanyirizwa igihano
Burera: Abakorera Poste de sante barasaba guhemberwa ibirarane by’amezi atanu yose
Perezida Ruto wa Kenya yakubiswe urukweto n’abaturage, batatu bamaze gutabwa muri yombi.
Musanze: Umugore bamwishe bamutemye mu ijosi.
Musanze: Abagabo 2 bari gukekwaho kwica umukecuru w’imyaka 55
HE Paul KAGAME yagiranye ibiganiro na mugenzi we Alassane Ouattara