Abarenga 100 biciwe mu bitero bya Israel muri Gaza

Minisiteri y’Ubuzima muri Palestine yatangaje ko abantu 104 biciwe mu bitero byagabwe na Israel muri Gaza mu ijoro ryo ku wa Kabiri, tariki ya 28 Ukwakira 2025.

Igisirikare cya Israel cyasobanuye ko ibyo bitero byari igikorwa cyo kwihimura kuri Hamas, nyuma yo kuvugwaho kurenga ku masezerano y’agahenge yari yagezweho ku bufatanye na Leta Zunze Ubumwe za Amerika.

Minisitiri w’Ingabo za Israel yashinje Hamas kwica amasezerano yo guhererekanya imibiri y’abari bafashwe bunyago ndetse no kugaba ibitero byahitanye umusirikare wa Israel.

Perezida wa Leta Zunze Ubumwe za Amerika, Donald Trump, yavuze ko “nta mpamvu n’imwe ikwiye gukoreshwa nk’urwitwazo rwo gusenya amasezerano y’agahenge”, ariko yongeraho ko Israel yari ifite uburenganzira bwo kwisubiza nyuma y’uko abasirikare bayo bagabweho ibitero.

Ibitero bya Israel byibasiye inyubako, amashuri n’inzu z’abaturage mu duce twa Gaza, Beit Lahia, Bureij, Nuseirat na Khan Younis. Minisiteri y’Ubuzima yatangaje ko muri abo 104 bishwe, harimo abana 46, abagore 20, mu gihe abandi barenga 250 bakomeretse.

Igisirikare cya Israel cyemeje ko cyongeye gusubukura gahunda yo kubahiriza agahenge, ariko kivuga ko kizakomeza gusubiza mu gihe cyashotorwa, kivuga ko ibyo bitero byaherukaga byari bigamije guhitana abayobozi bakuru ba Hamas bagera kuri 30.

Ku wa kabiri, tariki ya 28 Ukwakira 2025, Minisitiri w’Intebe Benjamin Netanyahu yemeje ko yahaye igisirikare itegeko ryo kugaba ibitero muri Gaza, ariko ntiyatangaza impamvu nyayo y’icyo cyemezo.

Izindi nkuru:

Umwimukira Amerika yohereje muri Uganda akanga, Liberia yemeye kumwakira Trump yari hafi gukaranga umunyamakuru wari ugiye kumena ikirahure cyo mu biro bye Ingabo za Israel zishinjwa kwica abantu 93 kuva agahenge katangira muri Gaza Israel VS Iran: Ni inde ufite indege z’intambara zikomeye? Malaysia: Trump yatunguranye acinya akadiho ubwo yageraga i Kuala Lumpur Gen Muhoozi yageze i Kinshasa bwa mbere mu myaka irenga 20 Inkongi y’umuriro yongeye kwibasira America, ishobora kugera ahabitse ibisasu kirimbuzi, abasaga ibihumbi 3 bamaze kugirwaho ingaruka niyi nkongi. U Burayi: Abarenze 24,000 bapfuye kubera ubushyuhe bw’imbeho y’impeshyi ya 2025 “Amazi ntakiri ya y’andi!” Intambara hagati ya Iran na Israel yakomeye Emir wa Qatar yagiye gusuhuza Trump mu ndege ye iri gushyirwamo amavuta Abakekwaho kwiba Inzu Ndangamurage ya Louvre batawe muri yombi U Butaliyani: Urukiko rwategetse ko uwaturikije umuyoboro wa gaz yoherezwa mu Budage Umuyaga ukaze wasubitse ingendo z’indege zirenga 100 muri Nouvelle-Zélande Paris: Inzu ndangamurage ya Louvre yahagaritse imirimo kubera ubujura bwateje impagarara M23 irashinja Leta ya DRC ko irimo kwitegura intambara yeruye Minisitiri weguye muri Guverinoma ya Congo yabyegetse ku Rwanda Tanzania: Polisi ya Tanzania yabitse Perezida Samia Suluhu Hassan Trump ntiyumva ukuntu atemerewe kwiyamamariza manda ya gatatu Israel yashinje Hamas kwica umusirikare wayo, igaba ibitero byaguyemo abarenga 60 Urugamba rwongeye gukara hagati ya M23 na Wazalendo