Amagare: Remco Evenepoel “Imana y’Urumuri rw’Igare” yageze i Kigali n’igare ry’agatangaza

GATEOFWISE.COM

Mbere yo gusohoka mu ruganda, Remco Evenepoel, Umunya-Belgique uzwi nk’umwirukanka wa mbere mu gusiganwa ku magare mu nzira ngufi wenyine (Individual Time Trial), yahawe igare ryihariye ryakozwe bihuye neza n’uburyo bwe bwo gutwara no ku byifuzo bye bwite.

Ni Specialized S-Works Shiv TT 2025, rimwe mu magare ahenze ku Isi rifite agaciro gasaga 30,000 $ (asaga miliyoni 43 Frw), rikaba ryageze i Kigali. Iri gare ryamugenewe by’umwihariko: amapine yaryo yakozwe na Specialized Turbo Cotton TLR & Princeton Carbon Works, ritinjizamo umwuka, mu gihe amavi n’iringi byubatswe mu buryo bwa “customized” bigatuma riruta ayandi yo mu bwoko bumwe ho asaga 14,000 $.

Muri Tour de France 2025, Remco yari yambaye iri gare ryari rifite amabara ya zahabu nk’icyohererezo cyo kwegukana intsinzi mu gace ka Time Trial. Ubu i Kigali byitezwe ko rizaba nk’inkuba.

Remco si mushya mu mateka: yegukanye Shampiyona y’Isi mu Bwongereza 2023, atsinda Filipo Ganna amusize amasegonda 12. Mu Busuwisi 2024 yongeye kumusiga amasegonda 6, Ganna yemera ko ari we mukinnyi w’ikirenga nyuma yo kwamburwa agahigo ke ko gutwara inshuro ebyiri zikurikiranya Shampiyona y’Isi (2020 na 2021).

Ubu i Kigali, Remco aje afite intego eshatu:

1. Gutsinda Tadej Pogačar, “akamana k’igare”, mu mwaka umwe gusa.
2. Kwinjira mu ikipe nshya ya Bora akiri umunyamaboko w’Isi kugira ngo ba Roglič bamwubahirize.
3. Kuvana ku gahigo Tony Martin, Umunyadage wigeze gutwara Shampiyona y’Isi mu kwiruka ku isaha inshuro eshatu zikurikiranya (2011, 2012, 2013). Martin afite guhatana gukomeye na Fabian Cancellara, bombi bakaba bafite amateka yo kwegukana iri rushanwa inshuro 4.

Kuva atangiye gukina mu 2017, Remco amaze gutsinda amarushanwa 31 ya Time Trial, aho iya vuba muri Tour de France yasize Pogacar amasegonda 16.

I Kigali rero, abenshi bamwita “Imana y’Urumuri rw’Igare” baramuteze amaso.

AMAFOTO