Ingabire Immaculée, Umuyobozi wa Transparency International Rwanda umuryango urwanya ruswa n’akarengane yitabye Imana mu gitondo cyo kuri uyu wa Kane azize uburwayi, afite imyaka 64.
Urupfu rwe rwemejwe n’abagize umuryango we ndetse n’abo bakoranaga muri Transparency Rwanda, bagaragaza ko atabarutse asize umurage ukomeye mu rugamba rwo kurwanya ruswa no kwimakaza ubunyangamugayo mu Rwanda.
Ubuzima n’inzozi zo gutaha mu Rwanda
Mu bihe bitandukanye, Ingabire yagiye agaragaza uburyo ubuzima bw’ubuhunzi bwamuhaye isomo rikomeye, ariko bikanamusigira igikomere cyamutoje kwanga akarengane no kurwanya ruswa.
Yakuze i Burundi aho umuryango we wari warahungiye, ariko akomeza kugira inzozi zo kuzataha mu gihugu cye. Yavugaga ko yababazwaga no kubaho atagira uburenganzira busesuye nk’impunzi, ari nabyo byamuhaye imbaraga zo kwitangira igihugu cye igihe yabonaga amahirwe yo kugitahamo mu 2001, avuye muri Repubulika Iharanira Demokarasi ya Congo.
Amashuri n’umwuga
Nubwo yifuzaga kwiga amategeko, ubuhunzi bwamubujije kubigeraho. Yize indimi mu mashuri yisumbuye, akomereza amasomo mu itangazamakuru muri kaminuza. Nyuma yaje gukomereza mu Bufaransa, aho yize Political Science n’amategeko.
Ingabire yari umwe mu bashinze Transparency International Rwanda mu 2004, anatorerwa kuyiyobora mu 2015. Mbere yaho, yakoze mu nzego zitandukanye zirimo ORINFOR (ubu ni RBA), Pro-Femmes Twese Hamwe, IBUKA n’indi miryango iharanira uburenganzira bw’abagore.
Umugore w’intwari, w’inyangamugayo
Abamuknewemo bamwibuka nk’umuntu w’inyangamugayo, utavugirwamo kandi uharanira ukuri. Yari azwi nk’utajya yihanganira ruswa cyangwa akarengane, kandi ntiyagiraga ubwoba bwo kubigaragaza mu ruhame.
Ubwo yagiranaga ikiganiro na IGIHE, yavuze ati:
“Abantu bamwe bavuga ko ndi umunyamahane, ariko siko bimeze. Ni uko akazi nkora gasaba gufata imyanzuro ikomeye. Ndi umuntu woroshya, wiyoroshya kandi udacika intege.”
Mu buzima bwe, Ingabire yagenderaga ku ndangagaciro eshatu: gusenga, kubaha no kudacika intege izamubereye umusingi mu rugendo rwe rwose rwo kurwanya ruswa n’akarengane mu Rwanda.
Izindi nkuru:
Afurika y’Epfo yasobanuye impamvu kunyuza ingabo za SADC ku kibuga cy’indege cya Goma bitashobotse
Minisitiri yeguye nyuma yo gutangaza ko ataragura umuceri na rimwe mu buzima bwe
Gakenke: Ikamyo ikoze impanuka ikomeye
Igihugu cya Chile kibasiwe n’umutingito, Leta yabwiye abaturage ko bagomba guhunga ikindi kiza cya Tsunami gishobora kwibasira iki gihugu.
Umwana w’imyaka 16 yiyahuriye Kwa Pasiteri
Ukraine yasutsweho ibisasu nyuma y’amasaha 30 y’agahenge.
Hinton watangije AI yaburiye Isi kubera ibyango bigiye guterwa na AI
Abafite imitungo kuri Gare ya Nyabugogo baratangira kubarurirwa imitungo
Umubano w’u Rwanda n’u Burundi waganiriweho hagati y’Abayobozi mu nzego nkuru z’Ibihugu byombi
Umwotsi w’umukara wongeye kugaragara mu itorwa Papa
Ibrahim Traore yitabiriye ibirori byo kwizihiza imyaka 80, Uburusiya butsinze intambara ya 2 y’isi
Dore uburyo watandukana burundu n’indwara y’umutwe udakira
Kigali: Abakekwaho kwiba amabuye y’agaciro batawe muri yombi.
Leta ya Congo igiye kujyanwa mu nkiko n’abaturage bayo
Dore uko imbunda zimizinga zikorerwa mu Rwanda
Ibinyabiziga bikoresha amashanyarazi mu byakuriweho umusoro ku nyongeragaciro
Umuhanda Nyaruvumu-Gituku witezweho guhindura ubuzima bwa benshi
Bugesera: Haravugwa inkuru mbi y’umusore wasanzwe mu cyumba yapfuye
Perezida wa Botswana Duma Boko yahigiye guhura na Donald Trump
Perezida Kagame yagiranye ibiganiro na Umaro Embaló wa Guinea-Bissau.