Ni Ubumuntu! Liverpool izakomeza kwishyura umushahara wa Diogo Jota

Ubuyobozi bw’ikipe ya Liverpool, bwatangaje ko buzakomeza guha umushahara umuryango wa Diogo Jota mu gihe cy’imyaka ibiri yari asigaje ku masezerano ye nyuma y’uko uyu rutahizamu yitabye Imana azize impanuka y’imodoka.

Ku wa kane tariki ya 3 Nyakanga 2025, ni bwo hamenyekanye inkuru yari incamugongo, y’urupfu rwa rutahizamu, Diogo Jota wari kumwe n’umuvandimwe we, André Silva wari ufite imyaka 26 mu gihe we yari afite imyaka 28.

Aba bombi bakoreye impanuka muri Espagne ubwo berekezaga ku cyambu cyarimo ubwato bwari kubajyana mu Bwongereza nyuma y’uko muganga wa Jota yari yamubujije kuba atega indege mu gihe agiye gukora ingendo ndende kuko yari amaze iminsi abazwe ibihaha.

Nyuma y’uru rupfu rutunguranye, ubuyobozi bwa Liverpool bwakoze igikorwa cyuzuye Ubumuntu, bwemeza ko imishahara y’uyu nyakwigendera, izakomeza guhabwa umuryango we mu gihe cy’imyaka ibiri yose yari asigaje ku masezerano ye. Diogo yasize umugore bari bamaze iminsi mike basezeranye ndetse baranabyaranye abana batatu.

Umuhango wo guherekeza bwa nyuma Jota n’umuvandimwe we, uri kubera muri Portugal, aho witabiriwe n’abakinnyi batandukanye ndetse n’abayobozi b’amakipe ku Mugabane w’i Burayi.

Hari hashize ibyumweru bibiri, Jota ashyingiranywe n’umukunzi we, Rute Cardoso mu bukwe bwabereye i Porto iwabo muri Portugal. Yaherukaga guhesha ikipe y’Igihugu igikombe cya UEFA Nations League.

Mu myaka itanu yari amaze gukinira Liverpool, yayitsindiye ibitego 47 muri shampoiyona y’u Bwongereza, ayifasha kwegukana igikombe cya shampiyona 2024/2025, ayifasha kwegukana FA Cup na Carabao Cup ebyiri. Yayigezemo mu 2020 atanzweho miliyoni 41£ ubwo yari avuye Wolvermpton Wonderers.

Izindi nkuru:

Basketball: U Rwanda mu itsinda rikomeye mu gushaka itike y’igikombe cy’Isi Amafoto: Dore ibitego byiza APR inyagiye Rayon sport. Rayon Sport igiye kugarura Bakame nk’umunyezamu Rayon Sports yaburijwemo imbere ya Mukura Victory Sport itegekwa gusubira i Huye Samuel Eto’o yongeye gujya mu mazi abira APR FC yanganyije na Etincelles inanirwa kwisubiza umwanya wa mbere Umukino wahuzaga Mukura VS na Rayon Sports urasubitswe bitunguranye Muhire Kevin yabonye ikipe nshya muri Sudani y’Epfo Omborenga Fitina yikomye Rayon Sports,ahamya ko yahaboneye akarengane UEFA CL: PSG itsindiye Arsenal iwayo, itera intambwe igana ku mukino wa nyuma Visit Rwanda: U Rwanda na Atletico Madrid basinye amasezerano yo kwamamaza Virgil van Dijk yongeye amasezerano muri Liverpool nyuma ya Mohamed Salah anatanga amagambo meza Ku ikipe Umutoza Gatera Moussa ntiyemera icyatumye ahagarikwa nyuma yo gutsindwa n’APR FC Umukino wa Bugesera FC na Rayon Sports uzakomereza ku munota wari ugezeho Ese Mukura Victory Sport Yaba yatewe Mpaga na Rayon Sports ? “Nabaye mayibobo muri Tanzania” Amagambo ya Evariste NDAYISHIMIYE. PSG yamamaza ubukerarugendo bw’u Rwanda yatangije irerero i Los Angeles M23/AFC yahaye gasopo ingabo z’Abarundi PEACE CUP: APR FC yegukanye igikombe nyuma yo gutsinda Rayon Sports Minisitiri Nduhungirehe yahaye ikaze abafana ba Arsenal baturutse hirya no hino muri Afurika