Ikigo cy’Igihugu gishinzwe Ingufu (REG) cyamenyesheje ko mu turere twa Gicumbi, Nyagatare na Gatsibo hateganyijwe ibura ry’amashanyarazi rizamara amasaha 13, kuva saa moya za mu gitondo kugeza saa moya z’ijoro ku wa 15 Ugushyingo 2025. Ni mu rwego rwo gukora imirimo yo gusana no kwagura imiyoboro y’amashanyarazi.
Mu itangazo REG yashyize ahagaragara ku wa 11 Ugushyingo, yavuze ko iyi mirimo izibanda kuri Sitasiyo y’Amashanyarazi ya Gabiro iri mu Karere ka Gatsibo ndetse no ku muyoboro wa Kibagabaga–Nyarutarama mu Mujyi wa Kigali.
Mu turere twa Gatsibo, Nyagatare na Gicumbi, amashanyarazi azabura kuva mu gitondo kugeza ku mugoroba, naho mu Mujyi wa Kigali biteganyijwe ko azabura hagati ya saa tanu n’igice na saa cyenda z’umugoroba mu bice byo mu Murenge wa Remera, by’umwihariko mu Kagari ka Nyarutarama.
Mu Karere ka Gatsibo, umuriro uzabura mu mirenge ya Kabarore, Rugarama, Rwimbogo, Kiziguro, Kiramurizi, Murambi, Gasange, Muhura, Remera, Kageyo, Ngarama, Gatsibo n’igice cya Nyagihanga. Mu Karere ka Gicumbi ho uzabura mu mirenge ya Bwisige, Ruvune, Giti, Muko, Bukure, Rwamiko, Rutare, Rukomo na Nyamiyaga, ndetse no mu bice bya Rushaki, Mukarange na Mutete. Mu Karere ka Nyagatare, amashanyarazi azabura mu mirenge yose.
REG yasabye abaturage kuba maso no kwirinda gukorakora insinga z’amashanyarazi, ibibutsa ko umuriro ushobora kugaruka mbere y’igihe wari wateganyijwe.
Iri tangazo rije nyuma y’uko ku wa 9 Ugushyingo 2025 habaye ikibazo cya tekinike ku miyoboro y’amashanyarazi u Rwanda rusangiye n’ibihugu bituranyi, cyateye ibura ry’umuriro mu bice bitandukanye by’Igihugu.
Izindi nkuru:
Afurika y’Epfo yasobanuye impamvu kunyuza ingabo za SADC ku kibuga cy’indege cya Goma bitashobotse
Bugesera: Haravugwa inkuru mbi y’umusore wasanzwe mu cyumba yapfuye
Ibrahim Traore yitabiriye ibirori byo kwizihiza imyaka 80, Uburusiya butsinze intambara ya 2 y’isi
Ingabire Immaculée yitabye Imana ku myaka 64
Umuhanda Nyaruvumu-Gituku witezweho guhindura ubuzima bwa benshi
Abafite imitungo kuri Gare ya Nyabugogo baratangira kubarurirwa imitungo
Dore uko imbunda zimizinga zikorerwa mu Rwanda
Minisitiri yeguye nyuma yo gutangaza ko ataragura umuceri na rimwe mu buzima bwe
Dore uburyo watandukana burundu n’indwara y’umutwe udakira
Gakenke: Ikamyo ikoze impanuka ikomeye
Ukraine yasutsweho ibisasu nyuma y’amasaha 30 y’agahenge.
Tanzania: Polisi yafunze Umunyamabanga wungirije wa Chadema ishinjwa guhohotera abatavuga rumwe na Leta
Hinton watangije AI yaburiye Isi kubera ibyango bigiye guterwa na AI
Umwana w’imyaka 16 yiyahuriye Kwa Pasiteri
Umubano w’u Rwanda n’u Burundi waganiriweho hagati y’Abayobozi mu nzego nkuru z’Ibihugu byombi
Perezida wa Botswana Duma Boko yahigiye guhura na Donald Trump
Ibinyabiziga bikoresha amashanyarazi mu byakuriweho umusoro ku nyongeragaciro
Kigali: Abakekwaho kwiba amabuye y’agaciro batawe muri yombi.
Dick Cheney wabaye Visi Perezida wa Amerika yapfuye
Babiri bapfiriye mu myigaragambyo ku mupaka wa Tanzania na Kenya