Ikigo cy’Igihugu gishinzwe Ubuziranenge (RSB) cyatangaje ko gifatanyije n’inzego zitandukanye n’abacuruzi mu rwego rwo kugabanya urwego rw’ikinyabutabire cya lead (kuruta) gikoreshwa mu marangi, kuko gishobora kugira ingaruka zikomeye ku buzima zirimo kwangiza ubwonko no kudindiza imikurire y’abana.
Ibi byagarutsweho mu cyumweru mpuzamahanga cyahariwe kurwanya ikoreshwa rya lead, cyateguwe n’umuryango ARECO Rwanda Nziza, ushinzwe kurengera ibidukikije no kurwanya ibinyabutabire byangiza.
Lead ikoreshwa mu bikorwa bitandukanye birimo gukora batiri z’imodoka, intwaro, insinga n’ibindi. Mu Rwanda, ikunze gukoreshwa cyane mu marangi y’amavuta kuko ituma yumuka vuba kandi igafasha amarangi gusigara agaragara neza. Gusa ishobora no kuboneka mu bikoresho by’abana, ibikomoka kuri peteroli n’ibindi bicuruzwa.
Amabwiriza mpuzamahanga asaba ko urugero rwa lead mu marangi rutagomba kurenga miligarama 99 kuri kilo. Ibi bitandukanye n’ibindi bicuruzwa nko mu mafunguro cyangwa ibikoresho by’ubwiza aho urwego rwemerewe ruri hasi cyane.
Umukozi wa RSB, Clement Uwimana, yavuze ko nubwo lead idashobora gukurwaho burundu mu marangi kubera ko hari ibikoresho bibonekamo karemano, RSB yashyize imbaraga mu kuyigenzura no kugabanya ku rwego rushoboka binyuze mu kizamini cyayo cy’ubuziranenge. Yavuze ko ubu u Rwanda rufite laboratwari zigezweho zifasha gupima ibipimo bya lead mu marangi.
Ku ruhande rw’abakora amarangi, Kalisa Callixte wo mu ruganda Ameki Color yatangaje ko batangiye gusimbuza ibikoresho byakoreshwaga birimo lead, bagahitamo ibindi bitangiza ubuzima. Ati: “Twashatse ibindi bikoresho bitarimo lead kugira ngo tugire uruhare mu kurinda ubuzima bw’abaturage.”
Umuyobozi muri ARECO Rwanda Nziza, Karemera Vincent, yasobanuye ko iki cyumweru cyateguwe hagamijwe gukangurira abantu kumenya ingaruka za lead no gusangira ubumenyi ku buryo bwo kuyirwanya. Ati: “Twifuje gufasha abantu kumenya uko iki kinyabutabire gikwiriye gukumirwa, cyane cyane mu marangi.”
Ishami ry’Umuryango w’Abibumbye ryita ku Buzima (OMS) ryagaragaje ko buri mwaka abantu barenga miliyoni 1,5 ku isi bapfa bazize ingaruka zituruka kuri lead, ikaba ikiri imwe mu mpamvu zikomeye z’ibibazo by’ubuzima ku rwego mpuzamahanga.
Izindi nkuru:
Ni nde uri guhabwa amahirwe menshi yo gusimbura Papa Francis?
Umunya-Suède niwe wegukanye Shampiyona y’Isi y’Amagare mu cyiciro cy’Abatarengeje imyaka 23
Bugesera: Imirimo yo kubaka ikibuga k’indege izarangira 2027
I Karongi: kuri Dawe uri mu ijuru habereye impanuka yahitanye umuntu n’ihene 30
Nyagatare: Bujuje Ibiro by’akarere bigezweho, abayobozi bitwezweho gutanga umusaruro ufatika.
“U Rwanda rushobora kwakira abarikunywe muri Leta zunze ubumwe z’Amerika” Amagambo ya Minister NDUHUNGIREHE.
RGB yahagaritse by’agateganyo amasengesho yo Kwa Yezu Nyirimpuhwe
Rwanda: Hagiye gutorwa itegeko ryo gutera abantu intanga no gutwitira undi muntu..
Nyaruguru: Abashoramari beretswe amahirwe ari mu gushora imari mu burezi
Ingabo zirenga 400 za SAMIDRC zari i Goma zatashye zinyuze mu Rwanda
Kicukiro: Umugabo yishe umugore urwagashinyaguro
Rwanda: Leta y’u Rwanda itanze ikiruhuko k’iminsi 4
Rutsiro: Umusore ari gushakishwa nyuma yo gukekwaho gukubita Nyina bikamuviramo urupfu
Congo yitabaje abacanshuro b’Abanya-Colombia mu guhangana na M23
Wema Sepetu yanyomoje ibihuha byavugaga ko yapfuye
Sukhoi, Kajugujugu n’ibifaru ku Kibuga cy’Indege cya Goma, nibura umuturage abarirwa imbunda ebyiri
Nyarugenge: Inkuru y’urupfu rw’umusore bikekwako yiyahuye abitewe n’umukino w’akadege
Ingabo za Congo zirashijwa kurya inka za Joseph Kabila wahoze ari perezida wa Congo (DRC).
Kinshasa: RDC mu bwoba bw’abasirikare bakekwaho umugambi wo guhungabanya Perezida Tshisekedi
Intambara y’Ubuhinde na Pakistan yahinduye isura nyuma y’ibitero karahabutaka