Ingabo zirenga 400 za SAMIDRC zari i Goma zatashye zinyuze mu Rwanda

Ingabo 461 zari mu butumwa bw’Umuryango wa Afurika y’Amajyepfo mu burasirazuba bwa Repubulika Iharanira Demokarasi ya Congo (SAMIDRC) zatashye kuri iki Cyumweru, tariki 22 Kamena 2025, zinyuze mu Rwanda

Izi ngabo zatashye uyu munsi ni izo mu bihugu bibiri gusa. Zigizwe n’abasirikare 317 bo muri Afurika y’Epfo na 144 bakomoka muri Malawi. Batashye muri bisi za RITCO 11, zaherekejwe n’inzego zishinzwe umutekano z’u Rwanda.

Saa Tatu z’igitondo zibura iminota mike nibwo izi ngabo zasohotse mu mupaka munini wa ‘Grande Barrière’ zerekeza i Kigali, aho bava bakomereza muri Tanzania.

Ingabo zari mu butumwa bw’Umuryango wa Afurika y’Amajyepfo mu burasirazuba bwa Repubulika Iharanira Demokarasi ya Congo (SAMIDRC) zatangiye gutaha, ku wa 12 Kamena 2025, zinyuze mu Rwanda.

Ingabo za SADC zatangiye gukorera mu burasirazuba bwa RDC mu Ukuboza 2023. Zafashaga ingabo za RDC kurwanya ihuriro AFC/M23 kugeza mu mpera za Mutarama 2025 ubwo zatsindirwaga mu mujyi wa Sake na Goma.

Inama idasanzwe yahurije abakuru b’ibihugu byo muri SADC n’umuryango wa Afurika y’iburasirazuba (EAC) muri Tanzania tariki ya 8 Gashyantare, yemeje ko ibiganiro bya politiki ari byo byakemura amakimbirane yo muri RDC no mu karere muri rusange.

Bashingiye ku myanzuro y’iyi nama, abakuru b’ibihugu bya SADC tariki ya 13 Werurwe bafashe umwanzuro wo guhagarika ubutumwa bw’izi ngabo, basaba ko zitangira gucyurwa mu byiciro.

Ibikorwa byo gutangira gucyura izi ngabo byaratinze bitewe n’uko SADC yashakaga ko zakoresha ikibuga cy’indege mpuzamahanga cya Goma. AFC/M23 yasubije ko ibyo bigoye kuko ingabo za RDC zacyangije mbere yo guhunga urugamba rwabereye mu Mujyi wa Goma.

Nyuma y’aho imishyikirano na AFC/M23 isaba gukoresha ikibuga cy’indege cya Goma inaniranye, SADC yemeye ko izi ngabo zikoresha inzira yo kubutaka, isaba u Rwanda inzira.

Izindi nkuru:

Ukraine yasutsweho ibisasu nyuma y’amasaha 30 y’agahenge. Umubano w’u Rwanda n’u Burundi waganiriweho hagati y’Abayobozi mu nzego nkuru z’Ibihugu byombi Babiri batambutsa ibiganiro kuri YouTube bafunzwe Perezida Kagame yagaragaje icyatuma umutekano wa Afurika ugerwaho utavangiwe n’amahanga Gicumbi: Ubworozi bw’amasazi bwamugize umukungu Umuturage yatoraguye imbunda yari itabye mu murima Ubuyobozi bwa Association Rayon Sports bwagize icyo buvuga ku mvururu zabaye ubwo Rayon Sport yakinaga na Bugesera FC Polisi yabaguye gitumo bafite udupfunyika 93 tw’urumogi Abasenateri 40 ni bo bari gusuzuma niba Joseph Kabila yakwamburwa ubudahangarwa Impamvu zatumye RGB ifunga Grace room Ministries ya KABANDA Julienne Uwahoze ari meya wa Musanze nyuma yo kwirukanwa kuri ubu yishatsemo ibisubizo aho yafunguye Youtube Channel Nshimiyimana Emmanuel ukekwaho kwica umugore we yafashwe n’abanyerondo. Uruganda rutunganya urumogi rugeze kuri 83% Nyanza: Umugabo yatwitse umwana we kubera gukora mu nkono U Rwanda na RDC byemeranyije ku ngingo zigize amasezerano y’amahoro Dore uko imbunda zimizinga zikorerwa mu Rwanda Kicukiro: Umugabo yishe umugore urwagashinyaguro HE Paul KAGAME ati: ” Ntabwo dufite byinshi byatuma duteta” Agashya: Mu Rwanda hageze imodoka ikorapa ikanakubura imihanda Amb. Uwihanganye yatanze impapuro zo guhagararira u Rwanda muri Brunei