Sosiyete ya OpenAI yatangije porogaramu nshya yo gufungura no gukoresha imbuga za interineti ikoresha ubwenge buhangano (AI), yise ChatGPT Atlas, mu rwego rwo guhatana na Google Chrome ndetse na Microsoft Edge zisanzwe zifite abakoresha benshi ku Isi.
Iyi browser nshya itandukanye n’izisanzwe kuko itagira “address bar” yo kwandikamo izina rya website, ahubwo yubakiye ku bushobozi bwa ChatGPT, bushingiye ku biganiro n’ubushakashatsi bwihuse.
Iyo ukoresheje Atlas, ushyiramo ikibazo cyangwa ibyo ushaka kumenya, ChatGPT igushakirira amakuru hirya no hino ku mbuga zitandukanye, ikagusubiza mu nyandiko imwe yuzuye, inagaragaza inkomoko y’amakuru yose yakoresheje.
Kugeza ubu, ChatGPT Atlas iraboneka gusa kuri mudasobwa za Apple (macOS), ariko OpenAI yatangaje ko izayigeza no ku bindi bikoresho mu gihe cya vuba. Intego yayo ni ugushaka uburyo bushya bwo kwinjiza amafaranga no kongera umubare w’abakoresha serivisi za ChatGPT.
Atlas ifite uburyo bwihariye bwise “Agent Mode”, bushoboza abakoresha ChatGPT Plus (ishyurwa) gushakisha amakuru ako kanya mu buryo busa no gukoresha Google, ariko bigakorwa mu buryo bw’ikiganiro cyumvikana neza kandi bwihuse.
OpenAI kandi iri kubaka ubufatanye n’imbuga z’ubucuruzi n’ingendo nka Etsy, Shopify, Expedia na Booking.com, kugira ngo ikoreshwe no mu bikorwa by’ubucuruzi, gusaka ibicuruzwa no gutegura ingendo.
Mu minsi ishize, Umuyobozi wa OpenAI Sam Altman yatangaje ko ChatGPT ikoreshwa n’abarenga miliyoni 800 buri cyumweru, bivuye kuri miliyoni 400 muri Gashyantare 2025 — bikaba bigaragaza uko ikoreshwa ryayo rikomeje kwiyongera ku muvuduko ukomeye.
Nubwo bimeze bityo, haracyibazwa niba Atlas izabasha guhangana na Google Chrome cyangwa Microsoft Edge, cyane ko na zo zimaze gutangiza uburyo bwifashisha AI mu gushakisha amakuru no gufasha abakoresha internet.
Izindi nkuru:
Agaciro ka OpenAI kazamutse, kagera kuri miliyari 500 z’amadolari
Uko Imbuga Nkoranyambaga Zihindura Ubuzima bw’Abantu n’Imibanire yabo
Gushimira cg Kwisegura kuri ChatGPT bihombya amamiliyari menshi banyirayo (OpenAI)”Sam Altoman”
Mu Rwanda hamuritswe drones zitwara abantu ku nshuro ya mbere muri Afurika
EU yashinje Meta na TikTok kutubahiriza amategeko agenga ikoranabuhanga
Google Docs ubu ifite ubushobozi bwo guhindura inyandiko ikayishyira mu majwi
Ikigo cya Google kiri mu mazi abira, baragishinja kwikubira isoko.
Kora ibi bintu 7 mbere yo gukoresha laptop yawe nshya
U Rwanda rwatangije Ikigo mpuzamahanga cy’icyitegererezo mu bijyanye n’umutekano w’ikoranabuhanga (Cyber Academy)
Abaturage bisabiye serivisi zirenga Miliyoni 5 ku Irembo mu mwaka umwe
Ikoranabuhanga rya 5G ryageze mu Rwanda
Rwanda Coding Academy igiye kuvugururwa ikaba Kaminuza izafasha mu kubungabunga umutekano w’ikoranabuhanga
Top 10: Telephone icumi (10) zihenze ku Isi
Apple yatangije umushinga wo kubaka porogaramu za AI zigenewe ibigo binini
Amavugurura mashya yitezwe mu mikorere ya WhatsApp azorohereza abayikoresha
Whatsapp igiye gukora impinduka zikomeye
iPhone 17 Pro: Ibyo wamenya kuri iPhone 17 Pro
Pi yashize hanze amapiganwa y’imishinga koranabuhanga
Ingaruka 5 zishobora guterwa no gukoresha VPN, burya ushobora no gufungwa.
Ubu ushobora gutunga virtual master card, nawe ugatangira guhahira ku masoko nka Amazon, Alibaba n’andi mpuzamahanga.