Perezida wa Repubulika, Paul Kagame, yashyizeho Abasenateri bashya barimo Prof. Jean Pierre Dusingizemungu, Uwizeyimana Evode, Dr. Valentine Uwamariya, na Gasana Alfred.
Muri bo, Prof. Dusingizemungu na Uwizeyimana Evode bongerewe manda muri Sena, mu gihe Dr. Uwamariya na Gasana Alfred binjiye bwa mbere muri iyi nteko.
Ibi byakozwe hashingiwe ku ngingo ya 80 y’Itegeko Nshinga.
Dr. Valentine Uwamariya, ufite impamyabumenyi y’icyiciro cya gatatu cya kaminuza (PhD) mu by’ubutabire yakuye muri Kaminuza ya Witwatersrand muri Afurika y’Epfo, ndetse n’indi y’ikirenga yakuye muri IHE-Delft, yabaye Umuyobozi wungirije wa Rwanda Polytechnic ushinzwe amahugurwa, iterambere n’ubushakashatsi. Nyuma yabaye Minisitiri w’Uburezi mu 2020, Minisitiri w’Uburinganire n’Iterambere ry’Umuryango mu 2023, hanyuma Minisitiri w’Ibidukikije mu 2024.
Yasimbuwe kuri uwo mwanya na Dr. Bernadette Arakwiriye mu Nyakanga 2025, kuva ubwo nta yindi mirimo yagiraga muri Guverinoma.
Gasana Alfred, wagizwe Minisitiri w’Umutekano w’Imbere mu 2021, yari asanzwe azwi mu mirimo ya Leta aho yabaye Umudepite kuva mu 2010, muri Komisiyo y’Amategeko n’Ibikorwa bya Politiki.
Mu 2024, yagizwe Ambasaderi w’u Rwanda mu Buholandi, asimbuye Ambasaderi Olivier Nduhungirehe, wagizwe Minisitiri w’Ububanyi n’Amahanga n’Ubutwererane.
Uwizeyimana Evode, usanzwe ari Senateri, yagizwe kuri uwo mwanya na Perezida Kagame mu 2020. Afite PhD mu mategeko. Yigeze kuba Umunyamabanga wa Leta muri Minisiteri y’Ubutabera ushinzwe Itegeko Nshinga n’andi mategeko (2016–2020). Yabaye kandi Visi Perezida wa Komisiyo ishinzwe kuvugurura amategeko (2014–2016) ndetse ari no mu bagize Komisiyo yashyizeho Itegeko Nshinga rishya mu 2015.
Prof. Jean Pierre Dusingizemungu, nawe wasubijwe muri Sena, afite impamyabumenyi y’ikirenga mu by’ubuzima bwo mu mutwe (psychology). Yabaye Perezida w’umuryango IBUKA uharanira inyungu z’abarokotse Jenoside yakorewe Abatutsi mu 1994.
Yigishije muri Kaminuza Nkuru y’u Rwanda hagati ya 1994 na 2010 mu bijyanye n’imitekerereze.
Muri rusange, iyi mpinduka izanye ubunararibonye bushya mu Nteko Ishinga Amategeko, hamwe n’abayobozi bafite amateka akomeye mu nzego za Leta no mu burezi.
Izindi nkuru:
Ibinyabiziga bikoresha amashanyarazi mu byakuriweho umusoro ku nyongeragaciro
Perezida wa Botswana Duma Boko yahigiye guhura na Donald Trump
Afurika y’Epfo yasobanuye impamvu kunyuza ingabo za SADC ku kibuga cy’indege cya Goma bitashobotse
Abafite imitungo kuri Gare ya Nyabugogo baratangira kubarurirwa imitungo
U Burusiya ntabwo bushyigikiye na gato ko ibiganiro by’amahoro na Ukraine bibera i Vatican
Ibrahim Traore yitabiriye ibirori byo kwizihiza imyaka 80, Uburusiya butsinze intambara ya 2 y’isi
Trump yanze ubufasha bwa Putin ku kibazo cya Iran na Israel
Ukraine yasutsweho ibisasu nyuma y’amasaha 30 y’agahenge.
Ingabire Immaculée yitabye Imana ku myaka 64
Umunsi Ingabo za FPR-Inkotanyi zihoza Umujyi wa Gitarama Guverinoma y’abicanyi igahungira ku Gisenyi
Umubano w’u Rwanda n’u Burundi waganiriweho hagati y’Abayobozi mu nzego nkuru z’Ibihugu byombi
Bugesera: Haravugwa inkuru mbi y’umusore wasanzwe mu cyumba yapfuye
Umwana w’imyaka 16 yiyahuriye Kwa Pasiteri
Kigali: Abakekwaho kwiba amabuye y’agaciro batawe muri yombi.
Dore uburyo watandukana burundu n’indwara y’umutwe udakira
Hinton watangije AI yaburiye Isi kubera ibyango bigiye guterwa na AI
Gakenke: Ikamyo ikoze impanuka ikomeye
Dore uko imbunda zimizinga zikorerwa mu Rwanda
Umuhanda Nyaruvumu-Gituku witezweho guhindura ubuzima bwa benshi
Minisitiri yeguye nyuma yo gutangaza ko ataragura umuceri na rimwe mu buzima bwe