Qatar n’u Rwanda bongeye kuganira ku gukemura ibibazo bya DRC

U Rwanda rwongeye guhurira na Qatar mu biganiro bigamije kurushaho kwimakaza ubutwererane no gukemura ibibazo by’umutekano birangwa mu Burasirazuba bwa Repubulika Iharanira Demokarasi ya Congo (RDC) bigira ingaruka ku Karere k’Ibiyaga Bigari.

Ni biganiro byahuje Minisitiri w’Ububanyi n’Amahanga n’Ubutwererane w’u Rwanda, Olivier Jean Patrick Nduhungirehe na Minisitiri w’Intebe akaba na Minisitiri w’Ububanyi n’Amahanga wa Qatar Sheikh Mohammed bin Abdulrahman bin Jassim al-Thani kuri iki Cyumweru tariki ya 1 Kamena 2025.

Minisitiri Nduhungirehe ari mu ruzinduko rw’akazi muri Qatar nk’igihugu gifitanye umubano uzira amakemwa n’u Rwanda cyiyemeje gutanga umusanzu wacyo mu gukemura ibibazo by’umutekano muke mu Burasirazuba bwa RDC no mu Karere k’Ibiyaga Bigari.

Impande zombi zaganiriye ku mbaraga zakongerwa kugira ngo umwuka mubi  hagati y’u Rwanda na DRC uhoshe, ndetse haboneke n’umuti urambye ushingiye ku kurandura impamvu shingiro z’umutekano muke mu Burasirazuba bwa RDC.

Abo bayobozi bombi banaganiriye ku mubano w’ibihugu byombi n’uko barushaho kunoza ubufatanye mu mikoranire.

Mohammed bin Abdulrahman ahuye na Nduhungirehe nyuma y’ibiganiro yagiranye na Perezida wa Komisiyo y’Umuryango wa Afurika Yunze Ubumwe, Mahamoud Ali Youssouf uri muri icyo gihugu, na byo byibanze ku guhosha umwuka mubi hagati y’u Rwanda na DRC.

Qatar yiyemeje kuba umuhuza hagati y’ibihugu byombi mu gushaka umwuka mwiza ndetse no muri Werurwe uyu mwaka yahuje Perezida w’u Rwanda Paul Kagame na Perezida wa RDC Felix Antoine Tshisekedi Tshilombo wari wararahiye ko atazongera guhurira na we ku Isi.

Icyo gihe Perezida Kagame na Tshisekedi bashimiye Quatar ku biganiro byiza byafashije kubaka icyizere mu rugendo rugamije gushakira amahoro arambye Repubulika Iharanira Demokarasi ya Congo n’Akarere muri rusange.

Izindi nkuru:

Rutsiro: Umusore ari gushakishwa nyuma yo gukekwaho gukubita Nyina bikamuviramo urupfu Nyagatare: Bujuje Ibiro by’akarere bigezweho, abayobozi bitwezweho gutanga umusaruro ufatika. Bahujwe n’urupfu rwa Papa, Trump na Zelensky byarangiye baganiriye. M23 na DRC batangaje ko bagiye guhagarika Imirwano. HE Paul KAGAME ati: ” Ntabwo dufite byinshi byatuma duteta” Ingabo za Congo zirashijwa kurya inka za Joseph Kabila wahoze ari perezida wa Congo (DRC). Sukhoi, Kajugujugu n’ibifaru ku Kibuga cy’Indege cya Goma, nibura umuturage abarirwa imbunda ebyiri Kwita Izina abana b’ingagi byasubukuwe Bugesera: Imirimo yo kubaka ikibuga k’indege izarangira 2027 RGB yahagaritse by’agateganyo amasengesho yo Kwa Yezu Nyirimpuhwe “U Rwanda rushobora kwakira abarikunywe muri Leta zunze ubumwe z’Amerika” Amagambo ya Minister NDUHUNGIREHE. ITANGAZO RIGENEWE ABIFUZA KWINJIRA MURI POLISI Y’U RWANDA (RNP). Kigali: Umugabo akurikiranyweho udupfunyika turenga 200 yari avanye Nyagatare Perezida Kagame yahuye na Cheick Camara wa ServiceNow baganira ku iterambere ry’ubwenge bukorano mu Rwanda Trump yashinje Biden wahoze ayobora iki gihugu guteza intambara muri Ukraine Umwuka mubi uracyatutumba hagati y’u Rwanda na Congo Rwanda: Hagiye gutorwa itegeko ryo gutera abantu intanga no gutwitira undi muntu.. Ni nde uri guhabwa amahirwe menshi yo gusimbura Papa Francis? Congo: Ubuyobozi bwatangaje ko abarenga 100 bapfiriye muri Kivu Intambara y’Ubuhinde na Pakistan yahinduye isura nyuma y’ibitero karahabutaka