Rayon Sport igiye kugarura Bakame nk’umunyezamu

Ndayishimiye Eric ‘Bakame’ wabaye umunyezamu ukomeye muri Rayon Sports, yongeye kuyisubiramo nk’umutoza w’abanyezamu mu mwaka utaha w’imikino wa 2025/26.

Rayon Sports FC ikomeje kwiyubaka igerageza kureba uko izitwara neza mu mwaka utaha mu marushanwa y’imbere mu gihugu ndetse na CAF Confederation Cup.

Muri iyi myiteguro harimo no gusinyisha abatoza bashya, aho nyuma ya Afahmia Lotfi uzaba ari Umutoza Mukuru w’iyi kipe, hasinyishijwe Ndayishimiye Eric ’Bakame’ uzafasha abanyezamu.

Umuyobozi ushinzwe Imiyoborere y’Umupira w’Amaguru muri Rayon Sports, Irambona Eric, yifashishije imbuga nkoranyambaga yagaragaje ko ibiganiro “byarangiye”.

Kuva mu 2023, Ndayishimiye yari ari muri Bugesera FC, nyuma yo kuyijyamo nk’umukinnyi akaza guhagarika gukina, ahubwo agahabwa akazi ko kuyibera umutoza w’abanyezamu.

Ubwo umwaka ushize warimo ugana ku musozo, Bugesera FC yiteguraga guhura na Rayon Sports FC ku munsi wa 28 wa Rwanda Premier League, iramuhagarika mu rwego rwo kuwitegura neza.

Uyu mutoza wasimbuye Mazimpaka André muri Rayon Sports, yayiherukagamo mu 2018 ubwo yahavaga ari umukinnyi yerekeje muri AFC Leopards yo muri Kenya.

Mu yandi makipe yakiniye harimo AS Kigali, Police FC, APR FC, Tusker, Atraco FC.

Izindi nkuru:

Rayon Sports yahagaritse abatoza bayo mbere yo kujya i Huye, Ese bafite ubwoba cyangwa ? APR FC yatandukanye n’abakinnyi batandatu Muhire Kevin yabonye ikipe nshya muri Sudani y’Epfo DJ Ira yashyikirijwe ubwenegihugu bw’u Rwanda yahawe na Perezida APR FC inyagiye bikomeye ikipe ya Rutsiro ibitego umuba “Nabaye mayibobo muri Tanzania” Amagambo ya Evariste NDAYISHIMIYE. Lamine Yamal agiye guhabwa nimero ya Messi Basketball: U Rwanda mu itsinda rikomeye mu gushaka itike y’igikombe cy’Isi Copa de Rey: Irushanwa ry’abanyabigwi ryuzuyemo udushya twinshi. APR FC yanganyije na Etincelles inanirwa kwisubiza umwanya wa mbere Minisitiri Nduhungirehe yahaye ikaze abafana ba Arsenal baturutse hirya no hino muri Afurika Rayon Sports yaburijwemo imbere ya Mukura Victory Sport itegekwa gusubira i Huye Umuvugizi wa M23 yaciye amarenga ku kuba bagiye gufatanya na Kabila Visit Rwanda: U Rwanda na Atletico Madrid basinye amasezerano yo kwamamaza PSG yamamaza ubukerarugendo bw’u Rwanda yatangije irerero i Los Angeles Umukino wa Bugesera FC na Rayon Sports uzakomereza ku munota wari ugezeho Rayon Sports yohereje abatoza b’ikipe y’Abagore gutsinda Mukura Rayon yahahwe amafaranga ngo yemere gukina umukino yari yarahiriye kutawukina M23/AFC yahaye gasopo ingabo z’Abarundi Amafoto: Dore ibitego byiza APR inyagiye Rayon sport.