Kim Kardashian yagaragaje uko gukoresha ChatGPT byamugizeho ingaruka mu masomo y’amategeko

Umunyamideri w’icyamamare Kim Kardashian aherutse gutangaza ko gukoresha ikoranabuhanga rya ChatGPT mu masomo ye y’amategeko bitamugiriye akamaro nk’uko yabitekerezaga, ahubwo byatumye atsindwa ibizamini inshuro nyinshi.

Ibi yabitangaje mu kiganiro yagiranye na Teyana Taylor mu gice cya Vanity Fair Lie Detector Test, aho yabajijwe niba akoresha ChatGPT mu kwiga amategeko. Mu gusubiza, Kardashian yavuze ko ayifashisha cyane cyane mu gushaka ibisubizo byihuse ku bibazo by’amasomo, aho anafata amafoto y’ibibazo akayishyiramo kugira ngo imufashe kubisubiza. Ariko nubwo yayikoresheje atyo, yemeye ko akenshi ibisubizo yahabwaga bitari ukuri. Yagize ati: “Buri gihe ibisubizo byayo biba ari ibinyoma. Byatumye ntsindwa ibizamini inshuro nyinshi.” Mu buryo bw’igitwenge ariko burimo n’ukwigaya, Kardashian yavuze ko afata ChatGPT nk’“inshuti mbi” (frenemy), kuko rimwe na rimwe imuha ibisubizo bitamufasha, hanyuma akayibaza impamvu yamuyobeje. Yatanze urugero agira ati: “Nyuma yo kubona igisubizo kibi, nagize umujinya ndayibwira nti ‘Kubera iki wampemukiye?’ nayo igasubiza iti ‘Ibi ni ukukwigisha kwizera ibitekerezo byawe, rero wari usanzwe uzi igisubizo.

Ibi byatumye havuka impaka ku ruhare rw’ubwenge buhangano (AI) mu burezi, cyane cyane mu masomo akomeye nk’amategeko, aho amakosa ashobora kugira ingaruka zikomeye ku myigire y’umunyeshuri.

Ku ruhande rwa OpenAI, sosiyete yakoze ChatGPT, hatangajwe ko iyi porogaramu itagenewe gusimbura ubumenyi bw’umuntu cyangwa gutanga inama zizewe 100% mu bijyanye n’amategeko cyangwa ubuvuzi. Ibi bikorwa mu rwego rwo kwirinda ko abakoresha bayishingiraho mu buryo bwuzuye, bikabaviramo amakosa cyangwa ibihombo.

Iyi nkuru igaragaza ko nubwo ikoranabuhanga nka ChatGPT rifite akamaro kanini mu kwiga no gushaka amakuru, ridakwiye gufatwa nk’isoko y’ukuri idashidikanywaho. Abanyeshuri basabwa kurikoresha nk’inyunganizi, aho kugiraho icyizere cyuzuye, cyane cyane mu masomo asaba ukuri n’ubusesenguzi buhambaye.

Izindi nkuru:

Amahirwe y’akazi ku bantu mufite A0 na A2 Abofisiye bakuru 108 bo mu bihugu 20 barangirije amasomo mu Ishuri Rikuru rya Gisirikare rya Nyakinama Digital Trust Seal: Ikirango cyongera icyizere ku bakorera ubucuruzi kuri internet Apple iri gutegura Siri nshya izajya ikoresha ubwenge buhangano Uruhare rw’Ikoranabuhanga mu Iterambere ry’Ubuzima bwa Muntu Musanze: Umumotari utwara moto anahetse umwana ashobora gukurikiranwa na polisi Uko Ikoranabuhanga Riri Guhindura Ubuhinzi mu Rwanda Sobanukirwa ibyerekeye amadarobindi y’ubwenge buhangano AI Meta yakoze Kora ibi bintu 7 mbere yo gukoresha laptop yawe nshya Akazi ko kwigisha mu mashuri abanza-Primary schools Izajya ihabwa n’impinja- Ibyo wamenya ku ndangamuntu nshya Isuzuma rya MINEDUC ryashimangiye ko abanyeshuri batsindwa Icyongereza Inama 5 z’Ingenzi zo Kurinda Umutekano wawe kuri WhatsApp Koreya y’Epfo igiye guha abaturage bayo amafaranga y’ubuntu Gicumbi: Abanyeshuri bishe mugenzi wabo bamuziza ibiryo Harumvikana uruhererekane mu kibazo cy’abarenga 150 bakoze imirimo muri Kaminuza y’u Rwanda bakamburwa Minisitiri w’Uburezi Nsengimana Joseph yasobanuye impamvu isomo rya mudasobwa ryakuwe mu mashami y’amashuri yisumbuye Nyanza: Umugore yatawe muri yombi akekwaho kwica umugabo we