Abanyarwanda babiri basoje amasomo y’igisirikare mu Bwongereza

Share this post

Abanyarwanda babiri barimo umuhungu wa Ambasaderi w’u Rwanda mu Budage, Igor Cesar, basoje amasomo mu ishuri rikuru rya gisirikare rya Royal Military Academy riherereye i Sandhurst mu Bwongereza.

Ambasaderi w’u Rwanda mu Bwongereza, Busingye Johnston, yagaragaje ko Yuhi Cesar na Mugisha Blaine basoje amasomo tariki ya 11 Mata 2025.

Ambasaderi Busingye yagize ati “Mushimirwe cyane banyeshuri bacu ku rwego rwa ofisiye Mugisha Blaine na Yuhi Cesar. Muri ishema ry’igihugu. Tubifurije ishya n’ihirwe.”

Bigaragara ko abo mu miryango y’aba banyeshuri barimo Ambasaderi Cesar, ndetse na Ambasaderi Busingye, bitabiriye ibirori byabo byo gusoza amasomo.

Abo mu miryango y’aba banyeshuri ndetse na Ambasaderi Busingye bitabiriye ibi birori

Abanyarwanda basoje amasomo mu mashuri makuru y’igisirikare arimo irya Gako n’ayo mu mahanga nka Sandhurst binjira mu ngabo z’u Rwanda (RDF), bakambikwa ipeti rya Sous-Lieutenant.


Share this post

Leave a Reply

Your email address will not be published. Required fields are marked *