Ruvuyanga yasezeye Radio Rwanda yari amazeho imyaka 8 Ari Umunyamakuru w’imikino, Nkurunziza Emmanuel uzwi nka Ruvuyanga, yamaze gusezera mu Kigo cy’Igihugu cy’Itangazamakuru (RBA) yari amazemo imyaka umunani.
Mu itangazo yashyize ku mbuga nkoranyambaga ze, Ruvuyanga, yashimiye ubuyobozi bwa RBA bwamureze agakura akaba ahavuye ari umugabo.
Ati “Ndamenyesha abakunzi banjye ndetse n’abanyarwanda muri rusange ko namaze gusezera mu Kigo cy’Igihugu cy’Itangazamakuru (RBA) nk’umukozi wari uhamaze imyaka 8, ndashimira ubuyobozi bwa RBA ko bwandeze neza ngakura muri uyu mwuga none mbaye umugabo wifatira ikemezo nk’iki kandi mu gihe gikwiye.”
Yakomeje kandi ashimira abo bakoranaga mu kiganiro Urubuga rw’Imikino.
Ati “Ndashimira kandi abo twakoranaga mu Rubuga rw’Imikino kuko twakoranye neza, aho twagonganye byabaga ari akazi cyangwa gushaka imibereho, muzabimbabarire.”Yasoje avuga ko aho azakomereza bazahamenya mu minsi iri imbere.Ati “Ndasoza menyesha Abanyarwanda ko aho nzakomereza muzahamenya mu bihe biri imbere.”
Ibi bibaye mu gihe hari hamaze iminsi havugwako Ruvuyanga Afana APR FC ndetse benshi bibaza niba atari guta indangagaciro z’itangazanakuru.
Ruvuyanga akaba yakoraga mu kiganiro Urubuga rw’Imikino cya Radio Rwanda ndetse akaba yanogezaga imipira by’umwihariko ya Shampiyona y’u Rwanda.Ruvuyanga yasezeye Radio Rwanda yari amaze imyaka 8 kuri RBA.
Izindi nkuru:
U Rwanda na Pakistan bigiye gushimangira ubufatanye mu by’ingufu za nikeleyeri.
Rusizi: Umugore afunzwe akekwaho guha umugabo aside
Ibimenyetso byakwereka ko urya isukari nyinshi kurusha uko bikwiye
Kaminuza ya Wits yamuritse uburyo bushya bw’ikoranabuhanga rya AI mu muziki wa Afurika
Amasubyo mu bucuruzi bw’impu mu Rwanda
Perezida Kagame yashimye PSG yegukanye UEFA Champions League yongera gushimangira ubufatanye na Visit Rwanda
Burnham agiye guha Zelensky amakuru y’ibanga ajyanye n’imisile ndende, mu gihe asura Kyiv.
Umugore wa Perezida Macron yahungabanyijwe n’abavuga ko yavutse ari umuhungu
Canada iri kongera ubushobozi bw’inganda z’ibikoresho bya gisirikare mu gihe umubano na Amerika uri kuzamo agatotsi.
RIB Yihanangirije Ababyeyi n’Abarimu Bahana Abana Mu Buryo Bukabije