Menya uturere 10 twambere tunini kurusha utundi mu Rwanda

Yisangize abandi

Nyuma y’uko hari benshi bagiye bakunda kwibaza Akarere kaba gafite ubuso bunini mu Rwanda, bamwe bagiye bavuga Nyagatare, abandi n’abo bakavuga Kayonza. Urujijo rwagiye rugaragara no ku mbuga zimwe na zimwe za interineti, ari byo byatumye GATE OF WISE isuzuma amakuru aturuka mu nzego zemewe, harimo n’ibyavuye mu ibarura rusange rya 2022.

Ukurikije ubuso, Kayonza niko Karere kanini mu gihugu, kuko gafite kilometerokare 1,935. Ni Akarere gafite igice kinini cya Pariki y’Akagera, kibarizwamo inzuri nyinshi ndetse kakaba gatuwe n’abaturage basaga ibihumbi 457,000.

Nyagatare iza ku mwanya wa kabiri n’ubuso bwa kilometerokare 1,919. Ni akarere gafite abaturage benshi cyane (ni aka kabiri nyuma ya Gasabo) ndetse ni na ko gafite inka nyinshi mu gihugu. Gafite kandi igice kiri muri Pariki y’Akagera.

Uturere 10 twa mbere dufite ubuso bunini mu Rwanda

Uretse Kayonza na Nyagatare, mu turere dufite ubuso bunini harimo:

Gatsibo (1583 Km2)
Bugesera (1337 Km2)
Nyamasheke (1174 Km2)
Rutsiro (1157 Km2)
Kirehe (1118 Km2)
Nyamagabe (1090 Km2)
Nyaruguru (1010 Km2)
Karongi (993 Km2)

Ikigaragara ni uko higanjemo uturere twinshi tw’Intara y’Iburasirazuba.

Igitangaje:

Akarere ka Gisagara na Ngororero dufite ubuso bungana, twombi buri kamwe gafite kilometerokare 679.

Akarere gato kurusha utundi:

Mu gihe Akarere ka Kayonza ari ko kanini, Nyarugenge niko gato ugereranije n’utundi turere twose two mu gihugu, ififite ubuso bwa kilometerokare 134 gusa.