Mamdani wavukiye muri Uganda yatorewe kuyobora Umujyi wa New York City

Umunyamerika ufite inkomoko muri Uganda, Zohran Kwame Mamdani, ni we watorewe kuyobora Umujyi wa New York City, atsinda abarimo Andrew Cuomo, wahoze ari Guverineri wa Leta ya New York, na Curtis Sliwa wo mu Ishyaka ry’Aba-Républicains riri ku butegetsi.

Mamdani, uzwi nk’umusore w’umuyisilamu ufite ibitekerezo bishya muri politiki, yatsinze amatora ku majwi 50,4%, mu gihe Cuomo yagize 41,6% na Sliwa 7,1%. Biteganyijwe ko azarahirira inshingano ze ku wa 1 Mutarama 2026.

Mu ijambo rye ry’intsinzi, Mamdani yashimangiye ko icyizere yagiriwe gishingiye ku kwerekana uburyo Amerika ishobora kwikura mu “bugambanyi bwa politiki” bwagiye buyihungabanya mu gihe cy’ubutegetsi bwa Perezida Donald Trump. Ati:

“Donald Trump, niba ureba, zamura ijwi. Iyo umuntu yeretse igihugu cyagambaniwe uko cyatsinda, umujyi wa New York ni wo ushyira imbere iryo tsinda.”

Yasezeranyije kurwanya ruswa no kugarura ubunyangamugayo mu micungire y’umujyi, ashimangira ko “umuco wa ruswa n’ubusumbane mu misoro wafashije abanyemari bakomeye nka Donald Trump” ugomba gucika.

Mamdani yavukiye i Kampala muri Uganda ku wa 18 Ukwakira 1991. Ni imfura ya Prof. Mahmood Mamdani, umusesenguzi w’inararibonye mu by’imiyoborere n’amateka ya Afurika, na Mira Nair, umunyamerika ukomoka mu Buhinde ukora filimi zizwi ku rwego mpuzamahanga.

Umuryango we wavuye muri Uganda ubwo yari afite imyaka itanu, ujya muri Afurika y’Epfo, hanyuma uza kwimukira muri New York nyuma y’imyaka ibiri.

Yakur grew up mu Mujyi wa Manhattan, aho yize amashuri abanza n’ayisumbuye, nyuma akomereza amasomo ajyanye n’amateka ya Afurika n’ururimi rw’Icyarabu muri Kaminuza ya Bowdoin College iherereye muri Maine.

Mu myaka ya 2010 ni bwo yinjiye mu bikorwa bya politiki, aza gutorerwa kuba Umudepite mu Nteko Ishinga Amategeko ya Leta ya New York mu 2020, ahagarariye Ishyaka ry’Aba-Démocrates. Yongeye gutorwa mu 2022 no mu 2024.

Kuri ubu, atorewe kuyobora umujyi umwe mu miturirwa n’amateka menshi muri Leta Zunze Ubumwe za Amerika, Mamdani abaye umunyapolitiki wa mbere wavukiye muri Afurika ugiye kuyobora New York City, ibintu benshi bafata nk’intambwe ikomeye mu mateka y’uyu mujyi.