Ashton Hall na Kagarara bari mu nzira berekeza i Kigali bavuye muri Benin

Umunyamerika Ashton Hall, uzwi cyane ku mbuga nkoranyambaga mu bijyanye n’imikino n’imyidagaduro, arimo gukomeza urugendo rwe ruzenguruka ibihugu bitandukanye bya Afurika. Nyuma yo kuva mu gihugu cya Benin, amakuru aremeza ko igihugu gikurikiyeho agomba gusura ari u Rwanda.

Muri uru rugendo rwo guhura n’abafana be no gukora imikino itandukanye, Ashton Hall ntarimo kugenda wenyine. Ari kumwe n’Umunyarwanda Enock Uwizeye, uzwi cyane nka Kagarara cyangwa Ashton Small, bamenyaniye ku mbuga nkoranyambaga bagahurira muri Ghana aho uru rugendo rwatangiriye. Mu bandi bari kumwe nabo harimo n’umusore ukomoka mu Buhinde uzwi nka ‘Indian Ashton’, na we wahisemo kubajyamo nyuma yo guhurira nabo muri Nigeria.

Nyuma yo gusura ibihugu birimo Ghana, Cameroon, Nigeria na Benin bamazemo iminsi ibiri, iri tsinda ryamaze gufata icyerekezo cyo kuza i Kigali.

Mu mashusho yashyizwe hanze n’umwe mu bari kumwe nabo bari ku kibuga cy’indege, Kagarara yumvikana agira ati: “Ubu tuje mu Rwanda, abanyarwanda muriteguye? Turi ku kibuga cy’Indege.”

Iri tsinda rero ritezweho gusura u Rwanda no guhura n’abakunzi babo muri gahunda zabo z’imikino n’imyidagaduro itandukanye.

Izindi nkuru:

APR FC yanganyije na Etincelles inanirwa kwisubiza umwanya wa mbere Umukino wa Bugesera FC na Rayon Sports uzakomereza ku munota wari ugezeho Samuel Eto’o yongeye gujya mu mazi abira Minisitiri Nduhungirehe yahaye ikaze abafana ba Arsenal baturutse hirya no hino muri Afurika Kigali yiteguye kwakira Shampiyona y’Isi y’Amagare: Abakinnyi 917 baturutse mu bihugu 110, abantu barenga miliyoni 330 ku Isi biteganyijwe kuyikurikirana APR FC inyagiye bikomeye ikipe ya Rutsiro ibitego umuba Kigali: David Lappartient yongeye gutorwa kuyobora UCI kugeza 2029 Davido agiye gushyirwa mu banyamuziki bakoze amateka ku Isi M. Iréné yatangaje itariki y’ubukwe bwe na Nishimwe Liliane “Nabaye mayibobo muri Tanzania” Amagambo ya Evariste NDAYISHIMIYE.