Umukinnyi wa sinema nyarwanda Nyambo Jesca yateye indi ntambwe mu rugendo rw’urukundo nyuma yo kwambikwa impeta n’umukunzi we usanzwe atuye muri Australie, mu muhango wabaye mu ibanga rikomeye, watunguye benshi barimo na Nyambo ubwe.
Amakuru y’uko Nyambo yambitswe impeta yatangiye gukwirakwira ku mbuga nkoranyambaga ku wa 23 Nyakanga 2026, nyuma y’uko bamwe mu bari bitabiriye uwo muhango batangaje ibyabereye muri ibyo birori.
Nk’uko Igihe kibitangaza, uwo muhango wari warateguwe mu ibanga rikomeye ku buryo abatumirwa bose bari barasabwe kutinjirana telefoni cyangwa ibindi bikoresho bifata amafoto n’amashusho. Ahubwo hifashishijwe abafotora n’abafata amashusho babigize umwuga kugira ngo ibihe by’ingenzi byandikwe neza kandi bizatangazwe mu gihe cyateganyijwe.
Amakuru yizewe avuga ko na Nyambo ubwe atari azi ko yari agiye kwambikwa impeta. Yari yitabiriye ibyo birori azi ko agiye kwizihiza isabukuru y’amavuko y’umuhanzi Bwiza, ndetse yari no mu itsinda ryari rifasha mu gutegura uwo munsi mu rwego rwo kumutungura.
Umwe mu bari bitabiriye uwo muhango yavuze ko kwizihiza isabukuru ya Bwiza byari uburyo bwo guhisha umugambi wo gutungura Nyambo.
Yagize ati: “Nyambo yari azi ko aje kwizihiza isabukuru ya Bwiza. Nta na kimwe yari azi ku bijyanye no kwambikwa impeta. Byose byari byateguwe mu ibanga kugira ngo bimubere igitangaza.”
Icyatumye Nyambo arushaho gutungurwa ni uko yari azi ko umukunzi we akiri muri Australie kandi adaherutse kugera mu Rwanda. Gusa ageze aho ibyo birori byaberaga, yasanze yamutegereje, ibintu byamukoze ku mutima.
Mu gihe cy’umuhango, uwo musore yahise apfukama amusaba kuzamubera umugore amwambika impeta y’urukundo. Nyambo yahise abyemera, maze ibyishimo bisakara mu bitabiriye uwo muhango.
Aya makuru yakiriwe neza n’abakunzi ba sinema nyarwanda ndetse n’abakurikira Nyambo ku mbuga nkoranyambaga, benshi bamwifuriza ishya n’ihirwe mu rugendo ruganisha ku kubaka urugo.
Source: Igihe
Izindi nkuru:
Umunyamakuru Ndahiro Valens Papy yasohoye indirimbo nshya yise ‘Abanzi’
M. Iréné yatangaje itariki y’ubukwe bwe na Nishimwe Liliane
Umunyarwenya Nyaxo yaguriye ibikorwa bye mu bucuruzi
Kuki Twambikana Impeta? Amateka n’Ibisobanuro Byihishe Inyuma Yayo
Lynda Priya yahishuye amayeri umugabo we yakoresheje kugira ngo amutsindire umutima
Inkindi Aisha yavuze ukuri ku mubano we na M. Iréné nyuma y’itangazwa ry’ubukwe bwe
Nyuma yo Gutoranywa na Apple Music, Element EleéeH Agiye Gutaramira Abakunzi Be Muri Amerika
Davido yamaze gutangazwa mu bazashimirwa muri Amerika.
Umuhanzikazi Bwiza yiseguye ku bafana nyuma yo gukora impanuka ikamubuza gutaramira i Bugesera
Bruce Melodie na The Ben basabye abafana gushyigikira ubumwe mu muziki nyarwanda