FIFA Yemeje ko Ikiruhuko cy’Umukino wa Nyuma w’Igikombe cy’Isi Kitazarenza Iminota 17

FIFA yemeje ko ikiruhuko cy’igice cya mbere cy’umukino wa nyuma w’Igikombe cy’Isi cya 2026 uzahuza Argentina na Espagne kizamara iminota 17 gusa, inyomoza amakuru yari amaze iminsi acaracara ku mbuga nkoranyambaga yavugaga ko cyari kuzagera ku minota 30.

Uyu mukino utegerejwe n’abakunzi ba ruhago ku Isi yose uzabera muri Leta Zunze Ubumwe za Amerika, ukaba uzarangwa n’igitaramo cyihariye kizaba kibaye bwa mbere mu mateka y’imikino ya nyuma y’Igikombe cy’Isi. Abahanzi bakomeye barimo Shakira, Madonna na Justin Bieber bazasusurutsa abafana mu gihe cy’ikiruhuko cy’umukino.

Nk’uko FIFA yabitangaje, muri iyo minota 17, igera kuri 11 izakoreshwa mu gitaramo, mu gihe indi isigaye izifashishwa mu gutegura no gukuraho urubyiniro ruzubakwa by’igihe gito mu kibuga. Nyuma yaho kandi hazakorwa ibikorwa byo kuvomerera ubwatsi kugira ngo abakinnyi bagaruke mu gice cya kabiri basange ikibuga kiri mu mwimerere mwiza.

Iki cyemezo cyafashwe nyuma y’impaka nyinshi zavutse ku gihe ikiruhuko cyari kuzamara, aho bamwe mu bakunzi ba ruhago bagaragazaga impungenge ko kongera igihe cy’ikiruhuko bishobora kugira ingaruka ku mikinire y’amakipe ndetse no ku murongo usanzwe ugenderwaho muri ruhago.

Nubwo bimeze bityo, FIFA ivuga ko iyi gahunda igamije guha umukino wa nyuma isura idasanzwe no guhuza siporo n’imyidagaduro, mu rwego rwo gutuma uyu munsi uzaba umwe mu minsi itazibagirana mu mateka y’Igikombe cy’Isi.

Izindi nkuru:

Abanyamakuru b’imikino Cedro Keza na Alan Ruberwa berekeje kuri Radio&Tv 10. Police yo muri Afurika y’Epfo yatangiye iperereza ku rupfu rwa Jayden Adams. Visit Rwanda yatangiye ubufatanye bushya na Aston Villa nyuma yo gusoza amasezerano na Arsenal Igipfunsi kivuza ubuhuha mu mikino ya UBC cyasize Abanyarwanda batsinze Abanya-Uganda PSG yatsinze Bayern Munchen mu mukino w’amateka w’ibitego bishyushye muri ½ cya Champions League Impaka ku kudahanwa kwa Messi zakomeje kuvugisha benshi Andoni Iraola Yagizwe Umutoza Mushya wa Liverpool Asimbuye Arne Slot Kigali igiye kwakira CECAFA Wazee 2026 ihuza ibyamamare byahoze muri ruhago Rwanda Premier League Yasinyanye na Skol Amasezerano ya Miliyari Arenga Imwe Azafasha Guteza Imbere Shampiyona Ikoranabuhanga ry’Abashinwa ryigaruriye Igikombe cy’Isi.