Gicumbi: Abanyeshuri bishe mugenzi wabo bamuziza ibiryo

Ku wa 26 Gicurasi 2025 Abanyeshuri bo mu kigo cya GS Rumuri giherereye mu karere ka Gicumbi, Umurenge wa Miyove, Akagari ka Gakenke mu mudugudu wa Museke nibwo badukiriye mugenzi wabo maze bakamukubita bahagarikiwe n’umwarimu wabo witwa NIBAGWIRE Caline bikamuviramo urupfu.

Amakuru avuga ko uyu mwana atari yaje ku ishuri kwiga ahubwo agahengera amasaha yo kurya ageze akaza kurya ku ishuri, agasangayo uyu mubyeyi w’imyaka 35. Aba bana bakekwaho kwica mugenzi wabo bavuga ko uyu mwarimu ariwe wabahaye uburenganzira bwo gukubita mugenzi wabo, bavuga ko bamukubise inshyi mu maso ndetse n’imigeri ku kibuno, uyu wakubitwaga abonye agiye kurembya n’inkoni arirukanka.

Bakomeje basobanura ko ubwo yirukaga yaje kwikubita mu cyobo cya metero imwe y’ubujyakuzimu, bakamukuramo yenda gupfa akajyanwa kwa muganga ariko kubwo amahirwe make ntiyarayeho kubera ko yahise ashiramo umwuka.
Abanyamakuru bagerageje kuvugana n’umuyobozi w’ikigo cya GS Rumuri yameje ayo makuru ariko avuga ko na we atazi uko byagenze, ku murongo wa telephone yagize ati:

“Uwo mwana wapfuye yituye hasi arikwirukanka asohotse m ishuri, kubera ko hari abandi bana bari bamwirutseho kubera kwirukanka ahita yikubita hasi, umenya yaraguye nabi ahita apfa.”

Akomeza avuga ko yageze aho yaguye akabona umwana ameze nabi bagahita bamujyana kwa muganga, ati:

“Narahageze nsanga umwana nyine ameze nabi, mbonye ameze nabi nahise nifashishije uwo nari masanze turamujyana, mpita ngenda ngumana n’umwana kwa muganga aranataha nyine, turakomeza dukurikirana ibyiwe. Ngaruka ku ishuri kuko leta yari yamutwaye uwo mwana”

Yongeyeho ko atazi uko byatangiye ariko avuga ko bari kubikurikirana kugira ngo bamenye icyateye abo bana kwirukansa mugenzi wabo. Yabaye nk’uhakana amakuru avuga ko ibyo byabaye abo bana bahagarikiwe n’amwarimu nubwo raporo y’ibanga yavumbuwe n’abanyamakuru igaragaza ko abo bana bari kumwe na mwalimu.
Nyuma yo kuvugana n’umuyobozi w’icyo kigo, abanyamakuru bagerageje kuvugana n’umuyobozi wa polisi y’igihugu RUTIKANGA Boniface ntiyagira icyo abitangazaho, yagize ati:

“Bufashe ayo ngayo [Amakuru] tugomba no kurinda uburenganzira bw’umwana”

Kugeza ubu umuyobozi wa GS Rumuri atangaza ko arikugerageza kugarura umwuka mwiza mu kigo kugira ngo abanyeshuri bakomeze amasomo nk’ibisanzwe mu gihe iperereza rikomeje, sibyo gusa kuko n’inzego zitandukanye z‘umutekano zagiye zigera muri iki kigo zigatanga ubutumwa bwo kwirinda ubushyamirane ubwo ari bwo bwose. Kugeza ubu abana 6 bari hagati y’imyaka 15-14 n’umurezi 1 ni bo batawe muri yombi.

Umurambo wa nyakwigendera wahise ujyanwa muri RFI kugira ngo bawusuzume, naho iperereza ryo riracyakomeje.

Izindi nkuru:

Dufite ubushobozi bwo kwirinda Kandi ubuzima buruta amafaranga” Amagambo ya Brig Gen RWIVANGA. Ese umukwe n’umugeni bazajya batanga umusoro? RRA irabivugaho iki? U Rwanda rurateganya ko ikoranabuhanga rizagabanya ubushomeri ku kigero cyo hejuru HE Paul KAGAME yakiriye Faurre Essozima Perizida waTogo. Gen Mubarakh Muganga ari mu ruzinduko rw’akazi muri Algeria. Musanze: Umugore bamwishe bamutemye mu ijosi. Suede: Umugore yahamijwe icyaha cyo guhohotera umwana we yifashishije igi Perezida Kagame, Clare Akamanzi, na Amadou Gallo baganiriye ku iterambere rya BAL M23/AFC yongeye kuganira n’abahagarariye Congo (DRC). Uganda: Nta mukobwa w’umusirikare uzongera kwambara ijipo Nta munyamahanga uzongera kwiga muri Amerika! Donald Trump yarahiye. Burera: Umunyeshuri wari uri muri sitaje yarohamye mu kiyaga ahita ahasiga ubuzima. “Igihe cyo kwiyunga n’Ububiligi ntikiragera” Minister NDUHUNGIREHE Amasezerano hagati ya DRC n’u Rwanda yasinywe! intambwe iganisha ku mahoro arambye. Perezida Kagame yakiriwe na mugenzi we w’u Bufaransa Papa Leo XIV yategetse ko abanyamakuru bafunzwe bafungurwa Abaturage ni abakire, batanze miliyari zirenga 40 Frw. Perezida Kagame yagiranye ibiganiro na Abdel Fattah wa Misiri Abamotari bijejwe kutazangera gucibwa amande arenze ibihumbi 10 Frw. U Rwanda rugiye kujya rutunganya amabuye acukurwa muri Congo (DRC).