Ikipe ya AC Milan yatangaje ku mugaragaro ko yagize Ruben Amorim umutoza wayo mushya, asimbura Massimiliano Allegri wirukanwe nyuma y’umusaruro mubi yagize mu mwaka w’imikino ushize 2025-2026.
Amorim w’imyaka 41 y’amavuko, ukomoka muri Portugal, yahawe inshingano zo kongera kubaka AC Milan nyuma y’uko iyi kipe isoje ku mwanya wa gatanu muri Shampiyona y’u Butaliyani (Serie A), bityo ikabura itike yo gukina irushanwa rya UEFA Champions League ku nshuro ya kabiri yikurikiranya.
Uyu mutoza yari aherutse gutandukana na Manchester United muri Mutarama 2026, ariko akomeje kugirirwa ikizere kubera ibyo yagezeho muri Sporting CP, aho yayihesheje ibikombe bibiri bya shampiyona ya Portugal muri 2021 na 2024.
Mu butumwa bwe bwa mbere nyuma yo gutangazwa, Amorim yagize ati:”
Gutoza AC Milan ni inzozi nari maranye igihe kinini, niteguye gukora ibishoboka byose kugira ngo ngarure iyi kipe ku rwego rwo hejuru rw’umupira w’amaguru ku mugabane w’u Burayi”.
Abafana ba AC Milan bafite icyizere ko uyu mutoza mushya azafasha ikipe yabo kongera gusubira mu marushanwa akomeye y’i Burayi mu mwaka utaha. AC Millan yasoreje Shampiyona y’Ubutariyani ku mwanya wa gatanu n’amanota 70 inyuma ya Como FC ya Kane yagize amanota 71.
Izindi nkuru:
Abakinnyi bavukana bazahurira mu Gikombe cy’Isi cya 2026.
FC Barcelona yatwaye igikombe habura imikino 5 itsinze Real Madrid.
PSG igeze k’umukino wa nyuma wa UEFA Champions League yikurikiranya.
Robert Francis Prevot watorewe kuba Papa ni muntu ki? Yahisemo izina Papa Leo XIV
Nyanza: Umugabo yatwitse umwana we kubera gukora mu nkono
FCC yasabye abaturage ba Congo kurwanirira Joseph Kabila.
Impamvu 10 ukwiye kurya igitunguru buri munsi
Koreya y’Epfo: Abayobozi barashinjwa uburangare kubera indege yahitanye abantu 179
Umuturage yatoraguye imbunda yari itabye mu murima
Abasenateri 40 ni bo bari gusuzuma niba Joseph Kabila yakwamburwa ubudahangarwa