Babiri batambutsa ibiganiro kuri YouTube bafunzwe

Abagabo babiri batambutsa ibiganiro ku muyoboro wa YouTube witwa ‘Dawa Rwanda TV’, usanzwe unyuzwaho inyigisho zitandukanye z’idini ya Islam, batawe muri yombi n’Urwego rw’Igihugu rw’Ubugenzacyaha (RIB).

RIB yatangaje ko bakurikiranyweho ibyaha birimo gutangaza amakuru y’ibihuha, bakoresheje imvugo zigamije gukurura amacakubiri no guteza imvururu cyangwa imidugararo muri rubanda.

Umuvugizi w’Urwego rw’Ubugenzacyaha (RIB), Dr. Murangira B. Thierry, yatangaje ko abo bagabo bafashwe ku wa 10 Kamena 2025.

Yavuze ko batawe muri yombi ku bufatanye bwa RIB na Polisi y’Igihugu, bakekwaho gukora ibyaha banyujije mu biganiro bacishaga kuri shene yabo ya YouTube yitwa ‘Dawa Rwanda TV’.

Ati: “Bagamije gukwirakwiza amakuru y’ibihuha, bakoresheje imvugo zishobora gukurura amacakubiri no guteza imvururu cyangwa imidugararo muri rubanda.”

Dr Murangira yibukije abakoresha imbuga nkoranyambaga kwirinda kuzikoresha mu bikorwa bisenya ubumwe bw’Abanyarwanda cyangwa ibindi bikorwa bigize ibyaha.

Ati: “Ahubwo zikwiye gukoreshwa mu buryo bwubaka kandi bwubahiriza amategeko,” nk’uko yabibwiye IGIHE.
Ubu abatawe muri yombi bafungiwe kuri sitasiyo ya RIB ya Remera, mu gihe iperereza rigikomeje ku byaha bakurikiranyweho.

Izindi nkuru:

HE Paul KAGAME yagiranye ibiganiro na mugenzi we Alassane Ouattara Ingabo zirenga 400 za SAMIDRC zari i Goma zatashye zinyuze mu Rwanda U Rwanda rwiyemeje kongera ikoranabuhanga mu Ishuri Rikuru rya Gisirikare Rwamagana: Irondo ry’abagore riri gutanga umusaruro ugaragara Umwuka mubi uracyatutumba hagati y’u Rwanda na Congo Rubavu: Abanyarwanda 360 mu bari barafashwe bugwate na FDLR batangiye gutaha Wema Sepetu yanyomoje ibihuha byavugaga ko yapfuye Nyarugenge: Inkuru y’urupfu rw’umusore bikekwako yiyahuye abitewe n’umukino w’akadege Gakenke: Ikamyo ikoze impanuka ikomeye Ukraine yasutsweho ibisasu nyuma y’amasaha 30 y’agahenge.