Meta yaciwe miliyoni 550$ kubera gukoresha amakuru y’abakoresha mu buryo bunyuranyije n’amategeko

Urukiko rwo muri Espagne rwasabiye Sosiyete ya Meta – ifite Facebook na Instagram – kwishyura ibitangazamakuru amafaranga arenga miliyoni 550$ nyuma yo guhamwa no gukoresha amakuru bwite mu kwamamaza mu buryo butubahirije amategeko.

Ibitangazamakuru 80 byari byareze Meta mu 2023, bivuga ko hagati ya 2018 na 2023 iyi sosiyete yawukoresheje mu bikorwa by’iyamamazabikorwa amakuru menshi ikura ku bakoresha Facebook na Instagram, bikayiha inyungu ziruta iz’abandi bantu cyangwa ibigo bahatana ku isoko.

Urukiko rw’Ubucuruzi rwa Madrid rwemeje ko Meta yarenze ku mategeko agenga amasoko n’amarushanwa, ndetse no ku mabwiriza yo kurinda umutekano w’amakuru bwite. Abacamanza basobanuye ko gukoresha amakuru y’abantu mu buryo butemewe byatumye Meta igira amahirwe atarimo abandi, bigatera akarengane mu rwego rw’iyamamaza.

Urukiko rwanavuze ko nubwo Meta yongeye gushyiraho uburyo bwo gusaba abakoresha imbuga zayo uruhushya rwo gukoresha amakuru yabo muri Kanama 2023, yari imaze kwinjiza asaga miliyari 5,7$ avuye mu kwamamaza mu gihe cyarezwe.

Meta yahakanye ibyavuye mu rubanza, ivuga ko iki cyemezo kitubatse ku bimenyetso bifatika kandi ko itazuyaza kukijuririra, kuko nta gihamya yerekana ko ibitangazamakuru byahombye.

Izindi nkuru:

Kora ibi bintu 7 mbere yo gukoresha laptop yawe nshya Abashakashatsi bwa mbere babonye inyenyeri isanduka mu buryo bwuzuye Blue Origin yohereje kuri Mars ibyogajuru bibiri bya NASA mu bushakashatsi bushya Apple yatangije umushinga wo kubaka porogaramu za AI zigenewe ibigo binini Amavugurura mashya yitezwe mu mikorere ya WhatsApp azorohereza abayikoresha Ibyifuzo by’Abanyarwanda batungukirwa n’imbuga nkoranyambaga kandi bakoze Ikoranabuhanga rya 5G ryageze mu Rwanda Agaciro ka OpenAI kazamutse, kagera kuri miliyari 500 z’amadolari Rwanda Coding Academy igiye kuvugururwa ikaba Kaminuza izafasha mu kubungabunga umutekano w’ikoranabuhanga Amazon yamuritse amadarubindi ya AI azafasha abakozi batwara ibicuruzwa gukora neza Ikigo cya Google kiri mu mazi abira, baragishinja kwikubira isoko. Ibikoresho by’iPhone 17 Pro Max bihendutse cyane ugereranyije n’igiciro cyayo ku isoko Pi yashize hanze amapiganwa y’imishinga koranabuhanga Uko Imbuga Nkoranyambaga Zihindura Ubuzima bw’Abantu n’Imibanire yabo Ibitero byo kuri internet n’ahazaza h’ikoranabuhanga muri BNR: Ikiganiro na Ndengeyingoma Telefoni za Google Pixel zahawe ubushobozi bwo koherereza ibintu iza iPhone hakoreshejwe Airdrop U Rwanda rwatangije Ikigo mpuzamahanga cy’icyitegererezo mu bijyanye n’umutekano w’ikoranabuhanga (Cyber Academy) Abanyarwanda miliyoni 4,3 bafite ubumenyi ku ikoreshwa ry’ikoranabuhanga iPhone 17 Pro: Ibyo wamenya kuri iPhone 17 Pro Ingaruka 5 zishobora guterwa no gukoresha VPN, burya ushobora no gufungwa.