Umuyobozi mukuru wa Hamas yatangarije BBC ko uyu mutwe wemeye gahunda y’amahoro yateguwe n’Akanama k’Amahoro (Board of Peace), gashyigikiwe na Perezida wa Leta Zunze Ubumwe za Amerika, Donald Trump. Hamas itegerejweho no gusohora itangazo ryemeza ku mugaragaro iki cyemezo.
Amasezerano yagezweho ateganya ko intwaro ziremereye Hamas isigaje zizabarurwa, zikabikwa ahagenzurwa n’ubuyobozi bwa Palestine. Anateganya gufunga imiyoboro yo munsi y’ubutaka, gusenya ububiko bw’intwaro n’ahakorerwa ibikoresho bya gisirikare, ndetse abarwanyi ba Hamas bakava mu bikorwa bya gisirikare.
Gushyira mu bikorwa iyi gahunda bizakorwa mu byiciro kandi bikurikiranwe na komisiyo yigenga, hagamijwe kubaka icyizere hagati y’impande zombi. Buri ntambwe yo kwambura Hamas intwaro izajyana no gukuramo ingabo za Israel muri Gaza buhoro buhoro.
Perezida Donald Trump yavuze ko aya masezerano ari intambwe ikomeye iganisha ku mahoro arambye, ashimangira ko Israel ikwiye gukomeza gukura ingabo zayo muri Gaza uko gahunda yo kwambura Hamas intwaro izagenda ishyirwa mu bikorwa.
Ku ruhande rwa Israel, nta tangazo riratangazwa ku mugaragaro, nubwo abayobozi ba Amerika bavuga ko bizeye ko izubahiriza ibyo yari yarasezeranyije mu biganiro byabanje.
Aya masezerano agezweho nyuma y’amezi menshi y’ibiganiro byayobowe na Qatar, Misiri na Turikiya. Nubwo afatwa nk’intambwe ikomeye mu gushaka amahoro, haracyari impungenge ku buryo intwaro zizakusanywa, abazazicunga ndetse n’uburyo ingabo za Israel zizava muri Gaza.
Abaturage benshi bo muri Gaza bakiriye aya makuru bafite icyizere kivanze n’amakenga, bitewe n’uko amasezerano menshi yo guhagarika imirwano yagiye ananirana mu bihe byashize. Icyo bashyize imbere ni ihagarikwa ry’imirwano, kugera ku mfashanyo z’ubutabazi, gusubira mu byabo no kongera kubaka ubuzima bwasenywe n’intambara.
Izindi nkuru:
RIB igiye gukurikirana uwise Pasiteri umukozi wa Satani.
Impamvu 5 ugomba kurya imineke buri munsi
Amb. Uwihanganye yatanze impapuro zo guhagararira u Rwanda muri Brunei
Byinshi ku bujura bwa Ndagijimana wahunganye amadolari akanagurisha inzu y’u Rwanda i Paris
U Rwanda rwasinyanye amasezerano yo gucapa n’isosiyete yo muri UAE
Dore abagwizatungo muri 2025, umunyamerika Elon Musk aracyayoboje inkoni y’icyuma.
Ubuzima bw’i Masisi mu gace katwitswe na FDLR; Sake ho ubucuruzi bwarazanzamutse
I Doha muri Qatar M23 na DCR bahavuye nta mwanzuro ku byerekeye umutekano
Abashakaga gutera u Rwanda bavuye muri Congo bose bari gushira – Kagame
Gicumbi: Ubworozi bw’amasazi bwamugize umukungu