Ceuta ni agace ka Espagne gaherereye mu Majyaruguru ya Afurika, ku mupaka uhuza iki gihugu na Maroc. Aka gace ni imwe mu nzira zikoreshwa cyane n’abimukira bashaka kwinjira ku Mugabane w’u Burayi.
Kuwa Kane, amagana y’abimukira, barimo abagabo benshi n’ingimbi, binjiye muri Ceuta mu buryo bunyuranyije n’amategeko. Bamwe bambutse uruzitiro rugabanya Maroc na Ceuta, mu gihe abandi bagerageje kuhagera bambuka inyanja boga.
Nibura abantu 18 bapfiriye muri urwo rugendo nyuma yo kurohama mu nyanja, ubwo bageragezaga kugera ku butaka bugenzurwa na Espagne. Inzego zibishinzwe zivuga ko umubare w’abahitanywe n’uru rugendo ushobora kwiyongera, kuko ibikorwa byo gushakisha ababuriwe irengero bikomeje.
Mu gace ka Fnideq muri Maroc, hagaragaye imodoka nyinshi zitwaye urubyiruko, harimo n’abatarageza ku myaka y’ubukure, berekeza hafi y’umupaka wa Ceuta. Hari n’abahisemo kugenda n’amaguru banyuze mu bihuru, bashaka kwirinda guhura n’inzego z’umutekano za Maroc.
Umubare w’abimukira bageze muri Ceuta muri iyi minsi ni wo munini ugaragaye kuva mu mwaka wa 2021, ubwo abantu barenga 10.000 bambukaga uwo mupaka mu gihe cy’iminsi ibiri gusa, binjira muri aka gace gafite ubuso bwa kilometero kare 18,5.
Mu rwego rwo guhangana n’iki kibazo, Leta ya Espagne yatangaje ko igiye kohereza abasirikare muri Ceuta kugira ngo bafashe mu gucunga umutekano no gukaza ingamba zo gukumira ubwinshi bw’abinjira mu buryo butemewe n’amategeko.
Izindi nkuru:
Aba-Rayons bitanze hafi miliyoni 200 Frw, Muvunyi atanga arenga miliyoni 147 Frw.
Tanzania: Polisi ya Tanzania yabitse Perezida Samia Suluhu Hassan
Nta munyamahanga uzongera kwiga muri Amerika! Donald Trump yarahiye.
Musanze: Abagabo 2 bari gukekwaho kwica umukecuru w’imyaka 55
Byamaze kwemezwa ko HE Paul KAGAME azerekeza muri Gabon.
Perezida Ruto wa Kenya yakubiswe urukweto n’abaturage, batatu bamaze gutabwa muri yombi.
Yacakiwe na polisi nyuma yo guta umwana mu musarani
Ingufu mukoresha mu kazi mwanazikoresha murwanya Jenoside Col Migambi.
Israel VS Iran: Ni inde ufite indege z’intambara zikomeye?
Mu Bwongereza: Abajura bibye umusarani (Toilet ) wa $6 Million bafashwe.