Qatar yahaye Trump Air Force One nshya nk’impano y’agatangaza.

Perezida wa Leta Zunze Ubumwe za Amerika, Donald Trump, yerekanye indege nshya yo mu bwoko bwa Boeing 747-8 yahawe na Qatar, ikaba iteganyijwe kwinjizwa mu itsinda ry’indege zitwara Perezida wa Amerika rizwi nka Air Force One.

Iyi ndege, ifite agaciro kegeranye na miliyoni 400 z’amadolari ya Amerika, yatanzwe na Leta ya Qatar nk’impano idafite ibyo isaba Amerika mu kuyakira. Ingabo zirwanira mu kirere za Amerika zatangaje ko imaze kuvugururwa ku buryo bujyanye n’inshingano zayo nshya, ndetse ikaba igiye gutangira icyiciro cya nyuma cy’igeragezwa mbere yo kwinjizwa mu ndege zitwara Perezida wa Amerika, zizwi nka Air Force One.

Trump yavuze ko iyi ndege yahinduwe ku rwego rwo hejuru ku buryo ishobora kwitwa “White House iguruka”, ashimangira ko ifite ubushobozi budasanzwe mu bijyanye n’umutekano n’itumanaho.

Mu mavugurura yakozwe harimo kongeramo uburyo buhanitse bwo kurinda umutekano, ibikoresho by’itumanaho bya gisirikare, ikoranabuhanga rigezweho ndetse n’ibindi bikenerwa kugira ngo ibashe gukora nk’indege ya Perezida wa Amerika. Ingabo za Amerika zatangaje kandi ko ibibazo byose byashoboraga guterwa n’uko yari yarigeze gukoreshwa mbere byamaze gukemurwa.

Nubwo imbere muri yo hatahinduwe byinshi, inyuma yayo yashyizweho amarangi mashya arimo umutuku, umweru, ubururu ndetse n’ibara risa na zahabu, bijyanye n’imiterere mishya yifujwe na Trump.

Icyemezo cyo kwakira iyi ndege cyateje impaka muri Amerika, aho bamwe mu banyapolitiki n’impuguke bagaragaje impungenge ku bijyanye no kwakira impano y’agaciro kangana gutyo iturutse ku gihugu cy’amahanga. Gusa White House yatangaje ko kwakira iyo ndege byubahiriza amategeko, ndetse ko nyuma y’uko Trump azaba avuye ku butegetsi ishobora gushyirwa mu ngoro ndangamurage cyangwa ikigo cyamwitiriwe.

Iyi Boeing 747-8 izakoreshwa by’agateganyo mu gihe Leta Zunze Ubumwe za Amerika igitegereje indege ebyiri nshya za Boeing VC-25B, zitezweho gusimbura indege zisanzwe zikoreshwa nka Air Force One.

Izindi nkuru:

Dore abagwizatungo muri 2025, umunyamerika Elon Musk aracyayoboje inkoni y’icyuma. U Rwanda rwasinyanye amasezerano yo gucapa n’isosiyete yo muri UAE Abashakaga gutera u Rwanda bavuye muri Congo bose bari gushira – Kagame RIB igiye gukurikirana uwise Pasiteri umukozi wa Satani. Byinshi ku bujura bwa Ndagijimana wahunganye amadolari akanagurisha inzu y’u Rwanda i Paris Impamvu 5 ugomba kurya imineke buri munsi I Doha muri Qatar M23 na DCR bahavuye nta mwanzuro ku byerekeye umutekano Ubuzima bw’i Masisi mu gace katwitswe na FDLR; Sake ho ubucuruzi bwarazanzamutse Amb. Uwihanganye yatanze impapuro zo guhagararira u Rwanda muri Brunei Gicumbi: Ubworozi bw’amasazi bwamugize umukungu