Perezida wa Leta Zunze Ubumwe za Amerika, Donald Trump, yavuze ko Amerika ishobora gusubiza amafaranga arenga miliyari 149 z’amadolari nyuma y’impaka zikomeje kuvuka ku misoro ya “tariffs” yashyizweho mu gihe cy’ubutegetsi bwe.
Trump yavuze ko bishoboka ko Leta ya Amerika ishobora gusubiza ayo mafaranga nyuma y’ibibazo by’amategeko ndetse n’impaka zagaragaye ku buryo iyo misoro yashyizweho ndetse n’ingaruka yagize ku bukungu.
Mu magambo ye yagize ati:
“Birashoboka ko tugomba kwishyura asaga miliyari 149$.”
Ibi byatumye benshi bongera kuganira ku rugamba rw’ubukungu Trump yatangije cyane cyane hagati ya Amerika n’u Bushinwa, aho yashyizeho tariffs ku bicuruzwa byinshi byinjiraga muri Amerika.
Abashyigikiye Trump bavuga ko iyo misoro yafashije gukomeza ubucuruzi bw’imbere muri Amerika no kurinda inganda z’Abanyamerika guhangana n’ibicuruzwa bihendutse byaturukaga mu Bushinwa.
Gusa abatavuga rumwe na we bavuga ko tariffs zateje ibibazo ku masosiyete yo muri Amerika ndetse no ku baturage, kuko hari ibicuruzwa byahenze cyane nyuma y’iyo misoro.
Ikinyamakuru reuters.com. cyatangaje ko hari ibigo n’amasosiyete biri gusaba ko amafaranga bishyuye muri tariffs yasubizwa, nyuma y’impaka zagaragaye ku buryo zimwe muri izo tariffs zashyizweho.
Na ho theguardian.com. yagaragaje ko ikibazo kiri no kureberwa mu rwego rw’amategeko, aho bishobora gutuma Leta ya Amerika isabwa gusubiza amafaranga menshi cyane.
Kwamamaza tariffs byari kimwe mu bikorwa bikomeye byaranze ubutegetsi bwa Trump, aho yavugaga ko ari uburyo bwo kurengera ubukungu bwa Amerika no kugabanya icyuho cy’ubucuruzi hagati yayo n’ibindi bihugu.
Icyakora, impaka ku nyungu cyangwa ibihombo by’izo tariffs ziracyakomeje kugeza ubu, aho bamwe bavuga ko zari amayeri meza y’ubukungu, mu gihe abandi bavuga ko zateje igihombo gikomeye ku bukungu bwa Amerika.
Soma izindi nkuru:https://kiny.gateofwise.com/politiki/muri-gutera-urujijo-abanyarwanda-minisitiri-nduhungirehe-ntari-kuvuga-rumwe-na-mutesi-scovia/
Izindi nkuru:
Intambwe nshya mu ruganda rw’ubuhanzi: Ibarura rizagaragaza abahanzi n’impano nshya mu gihugu
HE Paul KAGAME ati: ” Ntabwo dufite byinshi byatuma duteta”
Nta munyamahanga uzongera kwiga muri Amerika! Donald Trump yarahiye.
Ubuyobozi bwa Association Rayon Sports bwagize icyo buvuga ku mvururu zabaye ubwo Rayon Sport yakinaga na Bugesera FC
Gen Mubarakh Muganga ari mu ruzinduko rw’akazi muri Algeria.
Donald Trump yeretse amashusho ateye ubwoba Perezida wa Africa y’epfo
M23/AFC ikomeje guhiga abahungabanya umutekano i Goma
Imyanya y’ibanga: Ese kuki itakiri ibanga muri iki gihe?
Polisi yabaguye gitumo bafite udupfunyika 93 tw’urumogi
Congo: Ubuyobozi bwatangaje ko abarenga 100 bapfiriye muri Kivu