Porogaramu ya ChatGPT, kuva yasohoka muri Gicurasi 2023, imaze kwinjiza miliyari 2$, amafaranga yikubye inshuro 30 ugereranyije n’izindi porogaramu zose zihanganye nayo.
Mu mwaka wa 2025, ChatGPT imaze kwinjiza miliyari 1,35$, mu gihe umwaka ushize yari imaze kwinjiza miliyoni 174$ muri uku kwezi. Bivugwa ko ubu yinjiza miliyoni 193$ ku kwezi.
Urubuga rwa Grok, rwo rukaba rugize kimwe mu byihanganye na ChatGPT, rumaze kwinjiza miliyoni 25,6$, rwinjiza miliyoni 3,6$ ku kwezi, bingana na 1,9% by’amafaranga ChatGPT yinjiza.
Izi mibare zishingiye kandi ku mafaranga abonerwa buri gihe porogaramu imanuwe (downloads), aho ChatGPT yishyurwa 2,91$ ku manuwa imwe, ugereranyije na ClaudeAI 2,55$. Grok yishyurwa 0,75$, mu gihe Copilot yishyurwa 0,28$.
ChatGPT imaze kumanurwa inshuro zirenga miliyoni 690 muri uyu mwaka, mu gihe Grok yo imanuwe inshuro miliyoni 650,5. Ibi byerekana ko ChatGPT imaze kumanurwa ku rugero rwa 180% ugereranyije n’igihe nk’iki umwaka ushize.
