Abahanzi baririmba indirimbo zo kuramya no guhimbaza Imana, Alicia na Germaine, bakomeje kwerekana izamuka rikomeye mu muziki wa Gospel nyuma y’uko indirimbo yabo nshya “Ibanga” ikomeje kwakirwa ku rwego rwo hejuru n’abakunzi bayo.
Iyi ndirimbo yashyizwe hanze ku wa 8 Nyakanga 2026, ihita ikundwa n’abatari bake kuva ku munsi wa mbere. Mu masaha 24 ya mbere yari yamaze kurebwa n’abarenga ibihumbi 100 kuri YouTube, ibintu byabaye bwa mbere mu mateka y’aba bahanzi.
Nyuma y’aho, imibare yakomeje kuzamuka ku muvuduko ushimishije kuko mu minsi itatu gusa iyi ndirimbo yari imaze kurebwa n’abarenga ibihumbi 200, ikomeza gushyiraho indi ntambwe nshya mu rugendo rwabo rwa muzika.
Papa Innocent, usanzwe ari umubyeyi ndetse n’umujyanama wa Alicia na Germaine, yavuze ko iki ari igikorwa bakiriye nk’umugisha udasanzwe. Yagaragaje ko kuba “Ibanga” yarakiriwe muri ubwo buryo ari ikimenyetso cy’uko ubutumwa bw’aba baramyi bukomeje kugera ku bantu benshi.
“Ibanga” ni indirimbo igaruka ku kwizera Imana no kuyiringira mu bihe byose. Ubutumwa bwayo bushishikariza abakristo gukomeza gukomera ku Mana no kuyigirira icyizere, kabone n’iyo baba bari mu bihe bikomeye.
Iyi ndirimbo kandi yabaye iya mbere ya Alicia na Germaine isohotse igahita ireberwa kuri uru rwego mu gihe gito cyane. Ije ikurikira indi ndirimbo yabo yamenyekanye cyane yitwa “Uriyo”, yabaye iya mbere yabo yujuje miliyoni imwe y’abayirebye kuri YouTube, ibyo na byo bikaba byari amateka akomeye kuri aba bahanzi.
Abakurikiranira hafi muzika ya Gospel bavuga ko uburyo “Ibanga” iri kwakirwa bugaragaza ko Alicia na Germaine bakomeje kwagura umubare w’ababakurikira no gukomeza kugira uruhare rukomeye mu iterambere ry’umuziki wo kuramya no guhimbaza Imana mu Rwanda.
Mu gihe imibare y’abayireba ikomeje kuzamuka umunsi ku wundi, “Ibanga” iri mu ndirimbo za Gospel zikomeje kuvugisha benshi muri iyi minsi, ndetse ikaba ishobora gukomeza gukora amateka mashya mu rugendo rw’aba bahanzi.
Izindi nkuru:
Kigali: David Lappartient yongeye gutorwa kuyobora UCI kugeza 2029
Samuel Eto’o yongeye gujya mu mazi abira
Umukino wa Bugesera FC na Rayon Sports uzakomereza ku munota wari ugezeho
Davido agiye gushyirwa mu banyamuziki bakoze amateka ku Isi
Teng Teng yasabye gusubizwa imbuga nkoranyambaga ze nyuma yo gutandukana na ‘manager’ we
Kigali yiteguye kwakira Shampiyona y’Isi y’Amagare: Abakinnyi 917 baturutse mu bihugu 110, abantu barenga miliyoni 330 ku Isi biteganyijwe kuyikurikirana
Minisitiri Nduhungirehe yahaye ikaze abafana ba Arsenal baturutse hirya no hino muri Afurika
M. Iréné yatangaje itariki y’ubukwe bwe na Nishimwe Liliane
Davido yamaze gutangazwa mu bazashimirwa muri Amerika.
“Nabaye mayibobo muri Tanzania” Amagambo ya Evariste NDAYISHIMIYE.