Apple yabaye sosiyete ya gatatu mu mateka ifite agaciro ka miliyari 4.000$

Ku Cyumweru, sosiyete y’ikoranabuhanga Apple yabaye iya gatatu mu mateka igeze ku gaciro ka miliyari 4.000 z’Amadolari y’Amerika ku isoko ry’imari n’imigabane, nyuma yo kurangiza umunsi imigabane yayo ifite agaciro ka miliyari 3.999$.

Apple yinjiriye muri iri rwego nyuma ya Nvidia na Microsoft, ebyiri zari zasanzwe zigeze kuri urwo rwego muri Nyakanga 2025. Kuri ubu, Nvidia ifite agaciro ka miliyari 4.888$, naho Microsoft ikaba igeze kuri miliyari 4.003$, ishyigikiwe n’agaciro k’imigabane yayo mishya muri OpenAI ifite agaciro ka miliyari 135$.

Nubwo ibikorwa bya Apple mu bijyanye n’ubwenge buhangano (AI) bikiri kugenda buhoro, agaciro kayo kakomeje kuzamuka — aho imigabane yayo yiyongereyeho 7,5% mu 2025, inyuma ya Nvidia [50%], Alphabet [42%] na Meta [28%].

Muri Nzeri uyu mwaka, Apple yabonye intsinzi ikomeye mu rubanza yari ihanganyemo na Google ndetse ikomeza gukora neza ku isoko ry’u Bushinwa, aho iPhone Air yagurishijwe ku rwego rwo hejuru.

Mu kwezi gushize, Apple yahize izindi sosiyete z’ikoranabuhanga mu kugira inyungu nyinshi, igira inyungu iri hejuru ya 5%, ikurikiwe na Amazon [3%] na hafi ya Nvidia [7%].

Abasesenguzi barateganya ko mu itangazo rizashyirwa hanze vuba, Apple izatangaza ko yinjije asaga miliyari 100$ mu gihembwe cya gatatu cya 2025, kandi ko iyi nyungu ishobora gukomeza kuzamuka mu mezi ari imbere.

Izindi nkuru:

Agaciro ka OpenAI kazamutse, kagera kuri miliyari 500 z’amadolari Rwanda Coding Academy igiye kuvugururwa ikaba Kaminuza izafasha mu kubungabunga umutekano w’ikoranabuhanga Apple Watch Series 11: Gupima Umwuka mu Maraso Bizagaruka hamwe na Chip Nshya Amazon yamuritse amadarubindi ya AI azafasha abakozi batwara ibicuruzwa gukora neza Uko Imbuga Nkoranyambaga Zihindura Ubuzima bw’Abantu n’Imibanire yabo Ingaruka 5 zishobora guterwa no gukoresha VPN, burya ushobora no gufungwa. Ikoranabuhanga rya 5G ryageze mu Rwanda Abanyarwanda miliyoni 4,3 bafite ubumenyi ku ikoreshwa ry’ikoranabuhanga Ibyifuzo by’Abanyarwanda batungukirwa n’imbuga nkoranyambaga kandi bakoze Ikigo cya Google kiri mu mazi abira, baragishinja kwikubira isoko. EU yashinje Meta na TikTok kutubahiriza amategeko agenga ikoranabuhanga Amavugurura mashya yitezwe mu mikorere ya WhatsApp azorohereza abayikoresha Kora ibi bintu 7 mbere yo gukoresha laptop yawe nshya Pi yashize hanze amapiganwa y’imishinga koranabuhanga U Rwanda rwatangije Ikigo mpuzamahanga cy’icyitegererezo mu bijyanye n’umutekano w’ikoranabuhanga (Cyber Academy) Top 10: Telephone icumi (10) zihenze ku Isi Ibikoresho by’iPhone 17 Pro Max bihendutse cyane ugereranyije n’igiciro cyayo ku isoko Google Docs ubu ifite ubushobozi bwo guhindura inyandiko ikayishyira mu majwi iPhone 17 Pro: Ibyo wamenya kuri iPhone 17 Pro Apple yatangije umushinga wo kubaka porogaramu za AI zigenewe ibigo binini