Yisangize abandi

Impuguke mu mirire ziti:

“Ifunguro ryuje intungamubiri rinarinda indwara”

Muri rusange, ibitunguru ni ibirungo bisanzwe mu gikoni, ariko se wari uzi ko bifite ubushobozi budasanzwe bwo kurinda no gukomeza ubuzima bwawe? Waba ubirya bidatetse cyangwa ubitetse (Ubikaranze), ibi bimera biciriritse bifite ububasha bwo kukurinda indwara z’umutima, gutuma igogora rigenda neza, utibagiwe no kongera ubudahangarwa bw’umubiri.

Muri iyi nkuru tugiye kurebera hamwe impamvu 10 ibitunguru bitakabuze ku ifunguro ryawe rya buri munsi.

1. Ibitunguru birinda gusaza vuba.

Ibitunguru bikungahaye kuri quercetin, Izi ni intungamubiri zirinda utunyangingo kwangizwa na “radicals libres”, izi radical libres zitera gusaza no kwibasirwa n’indwara. Ibitunguru rero bikize kuri izi “quercetin” bityo bigafasha ubudahangarwa bw’umubiri ndetse bikagabanya ibyago byo kurwara kanseri cyangwa indwara z’umutima.

2. Bigabanya Isukari yo mu Maraso

Kubera sulfur na fravonoyidi (flavonoids) ziboneka mu bitunguru bituma habaho kugenzura igipimo cy’isukari mu maraso. Ibi ni ingenzi cyane mu kwirinda indwara ya diyabete ndetse no kwirinda gucika intege bya hato na hato.

3. Bifasha mu igogorwa

Ibitunguru bikungahaye kuri prebiotics. Gusa hari amoko menshi yabyo, ibikungahaye kuri probiotics byitwa “Fructans”, izi probiotics zifasha mu Iyororoka rya za mikorobe nziza ziba mu mara. Ibi bifasha mu igogorwa ryiza, bigatuma umubiri wihanganira Indwara, ndetse bikagabanya kuribwa mu nda, kubyimba cyangwa impatwe.

4. Ibitunguru bikomeza amagufa.

Ibitunguru ntibigira isukari nyinshi, Ahubwo bikungahaye kuri Potashiyumu na manganesiyumu, iyi Myunyungugu ni ingenzi cyane mu kubungabunga amagufa, ubuzima bw’uturemangingo, si ibyo gusa kubera ko bituma habaho no kwihuta kw’intanga ngabo.

5. Ibitunguru bigabanya Uburibwe n’ububabare

Intungamubiri ya quercetin twigeze kuvugaho kare na none ikora nk’umuti karemano urwanya uburibwe n’ububabare. Iyi ntungamubiri ifasha abarwayi ba rubagimpande na abarwaye ibibyimba byo mu mihogo.

6. Ibitunguru bigira uruhare mu Kurinda Kanseri.

Ubushakashatsi bugaragaza ko ibitunguru bifite ubushobozi bwo kurinda kanseri zitandukanye nka Kanseri yibasira umuhogo. Hakiyongeraho ko birinda kwangirika Kwa DNA.

7. Ibitunguru bifasha Ubwonko gukora neza.

Intungamubiri ya “Quercetin” na none kandi irinda uturemangingo tw’ubwonko. Ibitunguru bishobora kugabanya ibyago byo kwibagirwa n’izindi ndwara zibasira ubwenge bwa muntu.

8. Ibitunguru Bikungahaye kuri Vitamin C.

Ibitunguru birimo Vitamin C, ifasha umubiri mu kurwanya mikorobi, ndetse bigatuma umuntu ahorana uruhu rwiza.

9. Ibitunguru Bikomeza amagufa.

Ubushakashatsi bwerekana ko ibitunguru bifasha mu kongera ubukana bw’amagufa, cyane cyane ku bantu bakuze. Muri Rusange bigira uruhare mu kurinda imvune n’indwara z’amagufa.

10. Ibitunguru birwanya Mikorobi.

Nkuko twakunze kubivuga ibitunguru ni Imwe mu mu miti myiza irwanya Mikorobe. Ibitunguru birimo allicin, intungamubiri ifite ubushobozi bwo kurwanya udukoko twanduza (bacteries) n’tundi dusimba twangiriza Umubiri wa muntu, ibi bigirira akamaro gakomeye igifu n’urwungano ngogozi.

Ntukabure igitunguru ku ifunguro ryawe rya buri munsi kuko gifite akamaro gakomeye ku mubiri wawe.

Yisangize abandi