Umusirikare wa Repubulika Iharanira Demokarasi ya Congo yishe arashe bagenzi be batatu muri gurupoma ya Luberike muri Teritwari ya Walikale, abandi umunani barakomereka.
Mu gitondo cyo ku wa 24 Kamena 2025 ni bwo uyu musirikare yakoze aya mahano. Abashinzwe umutekano basobanuye ko iyi myitwarire yayitewe n’ubusinzi kuko yari yanyoye inzoga.
Abaturage bo batekerezaga ko ari imirwano ishobora kuba yubuye hagati y’ingabo za RDC n’ihuriro AFC/M23 kuko na ryo rifite ibirindiro hafi y’isantere ya Mungazi.
Umuturage witwa Jean Kokwe yagaragaje ko ubusinzi bw’uyu musirikare bushobora kuba bwaturutse ku bushyamirane bushingiye ku mushahara.
Ati “Nyuma abantu bari bahari batubwiye ko [abahanganye] ari abasirikare ba RDC bahembwe.”
Uyu musirikare yatawe muri yombi, abakomeretse bajyanwa mu bitaro bikuru bya Kibua muri Walikale kugira ngo bahabwe ubuvuzi bwihuse.
Aya makuru yemejwe n’Umuvugizi w’ingabo za RDC zikorera mu gice cy’amajyaruguru y’intara ya Kivu y’Amajyaruguru, Maj Nestor Mavudisa, agira ati “Umunyabyaha yafashwe, ubu arafunzwe. Abaturage nibakomeza imirimo yabo batuje.”
Imyitwarire mibi mu gisirikare cya RDC igira ingaruka zirimo ubwicanyi igaragara kenshi, biturutse ahanini ku businzi ndetse n’ibiyobyabwenge byabase bamwe mu basirikare bacyo.
Muri Gicurasi 2025, na bwo umusirikare wa RDC ukorera muri teritwari ya Muanda mu ntara ya Kongo-Central yinjiye mu rusengero, yica abantu batatu mbere yo gutabwa muri yombi n’abaturage.
Izindi nkuru:
Babiri batambutsa ibiganiro kuri YouTube bafunzwe
Nyagatare: RBC irabasaba gukaza ingamba z’ubwirinzi.
Rwanda: Abadepite batoye itegeko rireba abanyarwanda bose batunze imodoka.
Kicukiro: Umugabo yamize inyama nk’umira ibinini iramuhitana
M23/AFC Yongeye gukozanyaho n’ingabo za Congo (DRC)
Icyogajuru cy’Abarusiya cyaguye mu nyanja y’Abahinde nyuma y’imyaka 50
Harumvikana uruhererekane mu kibazo cy’abarenga 150 bakoze imirimo muri Kaminuza y’u Rwanda bakamburwa
Musanze: Umugore bamwishe bamutemye mu ijosi.
Qatar n’u Rwanda bongeye kuganira ku gukemura ibibazo bya DRC
Dufite ubushobozi bwo kwirinda Kandi ubuzima buruta amafaranga” Amagambo ya Brig Gen RWIVANGA.
Amakuru Mashya: Ibitero Bikomeye hagati ya Israel na Iran Byakajije Umurego – Abantu Bapfuye, Ibikorwa Remezo Birasenyuka
Ubushinjacyaha bwajuririye icyemezo gihagarika iperereza kuri Agathe Kanziga
Byamaze kwemezwa ko HE Paul KAGAME azerekeza muri Gabon.
Musanze: Umusaza yituye mu cyobo bacukuramo umucanga arapfa
Byinshi ku bujura bwa Ndagijimana wahunganye amadolari akanagurisha inzu y’u Rwanda i Paris
Nyamasheke: Umukecuru yagerageje kwiyahuza supaneti ayikurwamo n’uwari uje kurahura
Ese umukwe n’umugeni bazajya batanga umusoro? RRA irabivugaho iki?
Musanze: Umumotari utwara moto anahetse umwana ashobora gukurikiranwa na polisi
Abayobozi 13 ba Chadema basezeye ku mirimo kubera kutumvikana n’imiyoborere y’ishyaka
U Rwanda rushobora kwakira amashami amwe ya Loni