Mushiki wa Cristiano Ronaldo, Elma Aveiro, yagaragaje ko ashyigikiye musaza we nyuma y’uko avuye mu mwiherero w’ikipe y’igihugu ya Portugal, mu gihe ikibazo kiri hagati ye n’umutoza Jorge Jesus gikomeje kuvugisha benshi.
Ronaldo yafashe icyemezo cyo kuva mu mwiherero nyuma y’uko atakinnye umukino Portugal yatsinzemo Norway ibitego 2-1. Umutoza Jorge Jesus yari yavuze ko Ronaldo yari agiye kwinjira mu kibuga ariko aza gufata icyemezo cyo kutamukoresha.
Nyuma yaho, Ronaldo ntiyitabiriye imyitozo hamwe n’abandi bakinnyi, ndetse aza gutangaza ko afashe icyemezo cyo kuva mu mwiherero.
Yakomeje acuga ko igihe nikigera azasobanurira Abanya-Portugal impamvu yatumye afata icyo cyemezo.
Mushiki we, Elma Aveiro yasangije ku rubuga rwa Instagram ubutumwa bwamagana uburyo Ronaldo yafashwe.
“Cristiano yari akwiriye kubahwa kurushaho. Ikipe y’igihugu yari ikwiye kugira imiterere myiza kurushaho, naho itangazamakuru rya Portugal rikagira ubushobozi burushijeho kandi rikagabanya gukekeranya.”
Ubutumwa yakwirakwije bwakomeje bukomoza ku Banya-Portugal, bukavuga amagambo akomeye kuri bamwe muri bo, mbere yo gusoza bushimira Ronaldo ndetse buvuga ko yari akwiriye kurengerwa kurushaho.
Elma Aveiro we yakomeje mu magambo magufi agira ati “Tudo dito”, asobanuye ko ibyo yari asangiye byose bihagije.
Iki kibazo cyabaye nyuma y’uko Ronaldo avuze ko azatangaza mu gihe kiri imbere ukuri ku byatumye ava mu mwiherero.
Kugeza ubu, umutoza Jorge Jesus we yahakanye ko habaye amakimbirane akomeye hagati ye na Ronaldo, nubwo yemeye ko uyu mukinnyi yari yararakaye nyuma yo kutabona umwanya wo gukina.
Byongeye kandi, nimero 7 Ronaldo yari asanzwe yambara muri Portugal yahawe Rafael Leão ku mukino wari uteganyijwe na Denmark, nk’uko urutonde rwa UEFA rwatangajwe rubigaragaza.
Izindi nkuru:
Yacakiwe na polisi nyuma yo guta umwana mu musarani
Byamaze kwemezwa ko HE Paul KAGAME azerekeza muri Gabon.
Perezida Ruto wa Kenya yakubiswe urukweto n’abaturage, batatu bamaze gutabwa muri yombi.
Tanzania: Polisi ya Tanzania yabitse Perezida Samia Suluhu Hassan
Ruvuyanga yasezeye kuri Radio Rwanda nyuma y’imyaka 8 ayikorera.
Mu Bwongereza: Abajura bibye umusarani (Toilet ) wa $6 Million bafashwe.
Musanze: Abagabo 2 bari gukekwaho kwica umukecuru w’imyaka 55
Nta munyamahanga uzongera kwiga muri Amerika! Donald Trump yarahiye.
The Ben, Kevin Kade na Element bahuriye ku rubyiniro
Ingufu mukoresha mu kazi mwanazikoresha murwanya Jenoside Col Migambi.