Apple yatangije umushinga wo kubaka porogaramu za AI zigenewe ibigo binini

Apple iri gutegura gahunda nshya yo kwagura serivisi zayo z’ikoranabuhanga mu rwego rwo gufasha ibigo binini, binyuze mu kubaka porogaramu zishingiye ku bwenge buhangano (AI) by’umwihariko.

Aya mavugurura azatangira gushyirwa mu bikorwa mu kwezi kwa Nzeri uyu mwaka, aho ibigo bizahabwa ubushobozi bwo kugenzura no guhindura uburyo porogaramu zishingiye kuri AI, nka ChatGPT, zikora mu mashami yazo.

Apple yavuze ko ibi bizafasha ibigo kugena uburyo izo porogaramu zikoreshwa imbere mu mirimo y’akazi, ndetse no kugenzura aho amakuru abikwa, niba ari kuri ‘server’ za ChatGPT cyangwa iza Apple.

Mu rwego rwo koroshya imikorere y’ibigo, Apple izashyira hanze API ya Apple Business Manager (ABM), izafasha ibigo guhuza porogaramu n’ibikoresho bya Apple nk’iMacs, iPhones, na iPads, ndetse no kubicunga mu buryo bworoshye kandi buhamye.

Iyi gahunda igamije gutuma ibigo binini bifata AI nk’igikoresho cy’ingenzi mu mikorere yabyo, mu gihe Apple ikomeza gukaza umurego mu guhangana n’abandi bakora porogaramu z’ubwenge buhangano ku rwego rw’Isi.

Izindi nkuru:

Mu Rwanda hamuritswe drones zitwara abantu ku nshuro ya mbere muri Afurika Microsoft izashora miliyari 15$ muri UAE mu myaka ine iri imbere OpenAI yazanye Codex muri ChatGPT ya telefoni, igiye korohereza abandika porogaramu za mudasobwa Top 10: Telephone icumi (10) zihenze ku Isi OpenAI yasinye amasezerano yatumye igira agaciro ka miliyari 500$ Microsoft n’ibindi bigo byashoye Miliyoni 463$ mu Kigo Gikora Ibikoresho bya Batiri z’Imodoka Ni ryari Umwana Akwiye Gutangira Gukoresha Smartphone? Impinduramatwara ya AI muri Meta: Isura nshya y’akazi n’iherezo ry’imirimo Nvidia yashoye miliyari 1$ muri Nokia, imigabane yayo izamukaho 22% Ikigo cya Google kiri mu mazi abira, baragishinja kwikubira isoko.