Ibizamini bya Leta bisoza umwaka w’amashuri wa 2025/2026 mu cyiciro rusange cy’amashuri yisumbuye (O-Level) n’icyiciro cya kabiri (A-Level) biratangira ejo ku wa Gatatu, tariki ya 15 Nyakanga 2026, hirya no hino mu Rwanda.
Ibi bizamini biteganyijwe ko bizasozwa ku wa 24 Nyakanga 2026, nk’uko bigaragara mu itangazo ryashyizwe ahagaragara n’inzego zibishinzwe kuri uyu wa Kabiri tariki 14 Nyakanga.
Muri uyu mwaka, abakandida bose hamwe 258,255 ni bo biyandikishije gukora ibi bizamini, bakazaba bari mu bigo by’ibizamini bikomatanije bigera ku 1,746 byateguriwe iki gikorwa mu gihugu hose. Muri uyu mubare w’abanyeshuri bose bazakora ibizamini, abagera kuri 149,533 bari mu Cyiciro Rusange (O-Level), naho abandi 108,722 bakaba ari abo mu Cyiciro cya Kabiri cy’Amashuri Yisumbuye (A-Level).
Mu rwego rwo kwigisha bose no gukumira ubusumbane mu burezi, iri tangazo ryagaragaje ko mu bakandida bose biyandikishije harimo abanyeshuri 879 bafite ubumuga butandukanye. Inzego z’uburezi zashimangiye ko aba banyeshuri bazahabwa ubufasha bwihariye n’ibikoresho byose bakeneye mu gihe cy’ibizamini, hagamijwe kubafasha gukora mu buryo bungana, bwisanzuye kandi butabogamye na mba.
Izindi nkuru:
Perezida Kagame, Clare Akamanzi, na Amadou Gallo baganiriye ku iterambere rya BAL
Musanze: Gashaki umugabo yatoraguwe ku muhanda yapfuye, hakekwa ubusinzi
Dosiye ya Ingabire Victoire yaregewe urukiko
Chancen International mu Rwanda: Uburyo bushya bwo guteza imbere uburezi binyuze muri Income Share Agreements (ISA)
Madamu Jeannette Kagame yasabye Inkubito z’Icyeza kwirinda ababagusha mu bishuko bagamije kubayobya
Ubushinjacyaha bwajuririye icyemezo gihagarika iperereza kuri Agathe Kanziga
Amasezerano y’amateka hagati y’u Rwanda na Congo yasinywe
Perezida Kagame yashyizeho Minisitiri w’Intebe mushya
Uwiyitaga umuhanuzi yatawe muri yombi
U Rwanda n’u Bufaransa baganiriye ku kibazo cy’umutekano mu karere