Mu gihe isi imaze kumenyera internet ya Wi-Fi ikoreshwa mu ngo, ku mashuri, mu biro, hari ikoranabuhanga rishya riri kuvugisha benshi amangambo: Li-Fi (Light Fidelity). Iri koranabuhanga rikoresha urumuri (light) aho gukoresha imiraba ya radio (radio waves) nka Wi-Fi, rikaba rishobora guhindura uburyo abantu bagerwaho na internet.
Li-Fi yatangiye kuvugwa cyane nyuma y’ubushakashatsi bwakorewe muri University of Edinburgh buyobowe n’umuhanga Harald Haas. Wagaragaje ko amatara ya LED ashobora kohereza amakuru yihuta cyane, akoresheje uburyo bwo gucana no kuzimya mu buryo bwihuse butagaragara ku maso y’umuntu.
Ibi bivuze ko aho ufite itara rya LED, ushobora no kugira internet. Amakuru anyuzwa muri urwo rumuri akagera ku gikoresho gifite sensor ishobora kuyakira, nka telefone cyangwa mudasobwa.
Ni iki gitandukanya Li-Fi na Wi-Fi?
Ikoranabuhanga rya Li-Fi rifite inyungu zitandukanye:
- Li-Fi igira umuvuduko uri hejuru cyane: Mu bushakashatsi bumwe, Li-Fi yagaragaje umuvuduko ushobora kurenga kure cyane uwa Wi-Fi isanzwe.
- Umutekano ukomeye: Kubera ko urumuri rudashobora kunyura mu nkuta, biragorana ko umuntu uri hanze y’icyumba yinjira ku muyoboro wawe.
- Nta guhuzagurika (interference): Li-Fi ntihura n’ibibazo byinshi bya signal nk’ibya Wi-Fi, cyane cyane ahari ibikoresho byinshi bikoresha imiraba ya radio .
Ariko se haba hari imbogamizi?
Nubwo iri koranabuhanga rifite ibyiza byinshi, rifite n’imbogamizi zikomeye: Rikenera urumuri ruriho: Iyo itara rizimye, internet irahagarara. Ntishobora kunyura mu nkuta: Ibi bisaba ko buri cyumba kigira uburyo bwacyo bwa Li-Fi. Ibikoresho biracyari bike: Telefoni nyinshi ntizirashyirwamo ubushobozi bwo kwakira Li-Fi.
Mu bihugu byinshi bya Afurika, harimo n’u Rwanda, ikibazo cya internet iracyari ingorabahizi mu bice by’icyaro. Li-Fi ishobora kuba igisubizo mu nyubako n’ahantu hafunze nko mu mashuri, mu bitaro no mu biro, aho amatara asanzwe ariho. By’umwihariko, ishobora gufasha ahantu hatemewe gukoresha imiraba ya radio (radio waves) cyane, nko mu bitaro cyangwa mu ndege, aho Wi-Fi ishobora kugira ingaruka ku bikoresho.
Abahanga bavuga ko Li-Fi itazahita isimbura Wi-Fi, ahubwo izayunganira. Mu gihe Wi-Fi izakomeza gukoreshwa ahantu hanini no hanze, Li-Fi ishobora kuba igisubizo cyiza ahantu hakenera umuvuduko uri hejuru n’umutekano ukomeye. Mu gihe ikoranabuhanga rikomeje gutera imbere, hari amahirwe ko mu myaka iri imbere amatara yo mu ngo azaba atanga urumuri n’internet icyarimwe bigahindura burundu uburyo duhuza n’isi.
Izindi nkuru:
Kaminuza ya Wits yamuritse uburyo bushya bw’ikoranabuhanga rya AI mu muziki wa Afurika
Meta irimo gukoresha AI mu kunoza umutekano n’isuzuma ry’ibicuruzwa byayo
Sobanukirwa iby’ihangana rikomeye hagati ya Watsapp n’izindi mbuga nkoranyambaga
Iterambere rya Mobile Money mu Ikoranabuhanga
InnoPower Africa na Luma Learn bagiye kugeza inyigisho za AI ku rubyiruko rwinshi muri Afurika
Dr Habumuremyi ashimangira ko urubyiruko rugomba guhanga udushya mu ikoranabuhanga mu guteza imbere u Rwanda
OpenAI yahagaritse Adult Mode muri Porogaramu ya ChatGPT
Bamwe mu rubyiruko rukorera ku mbuga nkoranyambaga bavuga ko ari inzira iganisha ku iterambere
Uko Ikoranabuhanga Riri Guhindura Ubuhinzi mu Rwanda
Digital Trust Seal: Ikirango cyongera icyizere ku bakorera ubucuruzi kuri internet
Kim Kardashian yagaragaje uko gukoresha ChatGPT byamugizeho ingaruka mu masomo y’amategeko
Netflix yashyize hanze porogaramu nshya “Netflix Playground” igenewe abana bato
Ejo hazaza h’ubwikorezi: Imodoka zitagira abashoferi zigiye guhindura isi
Apple iri gutegura Siri nshya izajya ikoresha ubwenge buhangano
Uruhare rw’Ikoranabuhanga mu Iterambere ry’Ubuzima bwa Muntu
Ibintu 5 utari uzi ugomba kwirinda bishobora kwangiza telefone yawe n’uburyo bwo kubyirinda
Kenya imaze kuza imbere muri Afurika mu gukoresha ikoranabuhanga rya AI
Uruhare rwa 5G mu Guteza Imbere Itumanaho Ryihuta
Uburyo 7 bwo kurinda abana mu gihe bakoresha Ikoranabuhanga
Inama 5 z’Ingenzi zo Kurinda Umutekano wawe kuri WhatsApp