Muhanga: Polisi yafashe abantu 9 mu bucukuzi butemewe bw’amabuye y’agaciro

Mu Ntara y’Amajyepfo, Polisi y’u Rwanda ku bufatanye n’izindi nzego ndetse n’abaturage, ikomeje ibikorwa bigamije gukumira ibyaha bitandukanye hirya no hino mu gihugu.

Ni muri urwo rwego, kuri uyu wa 26 Gicurasi 2026, mu Karere ka Muhanga mu Murenge wa Kabacuzi, Akagari ka Butare, Polisi yafatiye mu cyuho abantu icyenda (9) bakekwaho gukora ibikorwa binyuranyije n’amategeko bijyanye no kugura no gucukura amabuye y’agaciro mu buryo butemewe.

Muri abo bafashwe, batanu (5) bakekwaho gushora urubyiruko muri ibi bikorwa binyuranyije n’amategeko byo gucukura amabuye y’agaciro mu buryo butemewe, mu gihe bane (4) bari bari mu bucukuzi butemewe.

Aba bose bafatanwe n’amabuye y’agaciro angana na toni imwe n’ibiro 123 (1,123 kg) by’amabuye avanze ya Coltan na Gasegereti.

Abafashwe n’ibyo bafatanwe kuri ubu bari kuri Sitasiyo ya Polisi ya Kiyumba, aho Ubugenzacyaha bwatangiye kubakurikirana.

Polisi y’u Rwanda yashimye abaturage bakomeje gutanga amakuru ku gihe, igaragaza ko bamaze gusobanukirwa ko umutekano ari inshingano rusange igomba gufatwamo uruhare na buri wese.
Yanibukije kandi abantu bakomeje kwishora mu bikorwa binyuranyije n’amategeko ko bakwiye kubireka burundu, kuko amayeri bakoresha akomeje kumenyekana no gukumirwamo, bityo uzafatwa wese azashyikirizwa ubutabera.

Izindi nkuru:

Uko GS Karambi Yahindutse Isoko y’Uburezi Bufite Ireme muri Nyamasheke Amerika yohereje ubwato bw’intambara muri Trinidad and Tobago, hafi ya Venezuela U Butaliyani: Urukiko rwategetse ko uwaturikije umuyoboro wa gaz yoherezwa mu Budage Paul Biya w’imyaka 92 yatorewe manda nshya, akomeza kuba Perezida ukuze ku Isi Abadepite bo muri Kenya bemeje itegeko rigenga ifaranga koranabuhanga Ingabire Immaculée yitabye Imana ku myaka 64 Kinshasa: RDC mu bwoba bw’abasirikare bakekwaho umugambi wo guhungabanya Perezida Tshisekedi Ruhango: Umujura umwe yishwe arashwe nyuma yo gushaka gutema abaturage Polisi y’u Rwanda yakanguriye Abanyeshuri ba TSS Kabutare Kwirinda no Gukumira ibyaha Trump yari hafi gukaranga umunyamakuru wari ugiye kumena ikirahure cyo mu biro bye