Gen Muhoozi Kainerugaba yasabye Bebe Cool guhagarika amagambo n’ibikorwa bimushinja guharabika Miss Mutesi Jolly, amakimbirane bari bamazemo iminsi ku mbuga nkoranyambaga.
Mu butumwa yashyize ku rubuga rwe rwa X kuri uyu wa Kane, umuhanzi Bebe Cool yatangaje ko yakiriye telefoni ya Gen Muhoozi Kainerugaba, amusaba guhagarika gukomeza guharabika Mutesi Jolly ku mbuga nkoranyambaga, ahubwo ikibazo cyabo kigakemurwa binyuze mu bwumvikane.
Bebe Cool yagize ati: “Muri iki gitondo nakiriye telefoni ya mukuru wanjye, Gen Muhoozi Kainerugaba, ku bijyanye n’ikibazo cya Jolly. Mukuru wanjye Muyobozi, yangiriye inama yo kubireka, ngasiba ubutumwa nari natangaje, maze ikibazo kigakemurwa mu bwumvikane.”
Yakomeje avuga ko Gen Muhoozi yamusabye kandi kugabanya gukoresha imbuga nkoranyambaga muri iki kibazo, ashimangira ko we na Miss Jolly babarwa nk’umuryango kuri we, bityo nta mpamvu yo gukomeza guterana amagambo mu ruhame.
Yasoje agira ati: “Nishimiye inama ze kandi ndabyemeye.”
Ibi bibaye nyuma y’uko Miss Jolly atangaje ko yifashishije abunganira mu mategeko bo muri Uganda bo muri Mbidde & Co Advocates, bagamije gutegura ikirego cyo kurega Bebe Cool nyuma yo kumushinja kumuharabika no kumuvugaho ibirego by’ubutubuzi ku mbuga nkoranyambaga.
Abamwunganira bari basabye Bebe Cool guhagarika gukwirakwiza amagambo amuharabika, ndetse akanasaba imbabazi ku mugaragaro akanasubiza ibyo yavuze. Bamuhaye igihe cy’amasaha 48 yo kuba yabikoze, bitaba ibyo hakitabazwa inkiko.
Izindi nkuru:
FCC yasabye abaturage ba Congo kurwanirira Joseph Kabila.
Koreya y’Epfo: Abayobozi barashinjwa uburangare kubera indege yahitanye abantu 179
Robert Francis Prevot watorewe kuba Papa ni muntu ki? Yahisemo izina Papa Leo XIV
Umuturage yatoraguye imbunda yari itabye mu murima
Ese Mukura Victory Sport Yaba yatewe Mpaga na Rayon Sports ?
Nyanza: Umugabo yatwitse umwana we kubera gukora mu nkono
Impamvu 10 ukwiye kurya igitunguru buri munsi
Amakuru agezweho: Ubujurire bwa Kazungu wahamijwe kwica abarenga 10 bwateshejwe agaciro
Bulgaria Yegukanye Eurovision 2026 Mu Irushanwa Ryabayemo Impaka za Politiki
Abasenateri 40 ni bo bari gusuzuma niba Joseph Kabila yakwamburwa ubudahangarwa