Ababyeyi batawe muri yombi nyuma y’urupfu rw’impanga rwatewe n’uburangare.

Urukiko rwo mu Bufaransa rwafunze ababyeyi b’impanga z’abakobwa bari bafite amezi 15 nyuma yo gushinjwa uburangare bwatumye abana babo bapfa bazize inyota n’umwuma ukabije.

Ababyeyi b’impanga z’abakobwa zapfiriye mu rugo rwabo rwo mu mujyi wa Beuvrages mu majyaruguru y’u Bufaransa bakurikiranyweho icyaha cyo kutita ku bana babo, nyuma y’uko iperereza rigaragaje ko urupfu rwabo rwatewe n’umwuma ukabije.

Nk’uko Ubushinjacyaha bwa Valenciennes bwabitangaje, aba babyeyi bafite imyaka 35 na 32 bashinjwa kuba baratereranye abana babo no kutabaha ubwitaho bukenewe, ibintu bikekwa ko byagize uruhare mu rupfu rw’izo mpanga zari zifite amezi 15.

Aba bana basanzwe bapfuye mu bitanda byabo nyuma y’uko ababyeyi babo bahamagaye ubutabazi bavuga ko babasanze batanyeganyega. Iperereza ryakozwe nyuma y’icyo gihe ryemeje ko impamvu y’urupfu ari umwuma ukabije.

Nyuma y’iki kibazo, abandi bana bane bo muri uwo muryango bafite hagati y’imyaka ibiri n’igice n’itandatu bashyizwe mu maboko y’inzego zishinzwe kurengera imibereho myiza y’abana.

Amategeko y’u Bufaransa ateganya ko icyaha cyo kutita ku mwana utarageza ku myaka 15 bikamuviramo urupfu gishobora guhanishwa igifungo kigera ku myaka 30.

Izindi nkuru:

Amakuru agezweho: Ubujurire bwa Kazungu wahamijwe kwica abarenga 10 bwateshejwe agaciro Kasia Niewiadoma, wegukanye Tour de France 2024, yanyuzwe n’urukundo yahawe n’Abanyarwanda Umuturage yatoraguye imbunda yari itabye mu murima FCC yasabye abaturage ba Congo kurwanirira Joseph Kabila. Robert Francis Prevot watorewe kuba Papa ni muntu ki? Yahisemo izina Papa Leo XIV Uko wahagarika burundu ikintu cyakugize Imbata Impamvu 10 ukwiye kurya igitunguru buri munsi Koreya y’Epfo: Abayobozi barashinjwa uburangare kubera indege yahitanye abantu 179 Nyanza: Umugabo yatwitse umwana we kubera gukora mu nkono Abasenateri 40 ni bo bari gusuzuma niba Joseph Kabila yakwamburwa ubudahangarwa