Umunyarwanda Joy-Lance Mickels yanditse amateka mashya mu mupira w’amaguru, nyuma yo gukinira Sabah FK mu mukino wayihuje na Manchester United muri UEFA Champions League.
Uyu mukino wabereye kuri Old Trafford ku wa Kane, tariki ya 10 Nzeri 2026, ukaba wari umukino wa mbere wa Sabah FK mu cyiciro cya league phase cya Champions League. UEFA igaragaza Mickels nk’umukinnyi w’Umunyarwanda ukinira Sabah muri iri rushanwa.
Mickels yabaye Umunyarwanda wa mbere ukinnye umukino wo muri iki cyiciro cya Champions League, ubwo yamanukaga mu kibuga ahanganye n’ikipe ikomeye yo mu Bwongereza.
Nubwo Sabah FK yatsinzwe na Manchester United ibitego 4-0, Mickels yabonye amahirwe yo kwandikisha izina rye mu mateka y’umupira w’u Rwanda. Mu gice cya mbere, yabonye uburyo bwo gutsinda igitego ariko umupira awutera werekeza kuri Lammens, umunyezamu wa Manchester United, awukuramo.
Sabah FK yari yabanje guca mu byiciro by’amajonjora kugira ngo igere muri league phase, aho ubu iri mu rugendo ruhuza amakipe akomeye yo ku mugabane w’u Burayi. Ikipe ya Mickels kandi izakina n’amakipe arimo Barcelona, Arsenal na Borussia Dortmund muri iki cyiciro.
Kuri Mickels, gukandagira Old Trafford no gukina Champions League byabaye umwanya wihariye mu rugendo rwe rw’umupira w’amaguru, cyane ko Manchester United ari ikipe yakuze afana.
Izindi nkuru:
Kirehe: RDF yasoje amahugurwa y’amezi 4 yo kongerera ubushobozi abasirikare bo muri Brigade ya 8
RBC iributsa Abanyarwanda ko benshi bafite Diabètes batazi ko bayirwaye
Amerika yishe 14 bari mu bwato bikekwa ko ari ubw’abacuruza ibiyobyabwenge
Ibyago bishobora guterwa no gukoresha imbuga nkoranyambaga nijoro
Visit Rwanda yabaye umuterankunga w’amakipe akomeye muri Amerika
Urubyiruko rwigishijwe uko rwakoresha imbuga nkoranyambaga mu kurwanya ihakana n’ipfobya rya Jenoside yakorewe Abatutsi.
Akazi ka Cashier ko gukora muri SACCO
Umugabo wari ugiye gusengera ahatemewe mu mugezi wa Musogoro yabonetse yapfuye
Trump yanenze ko Afurika y’Epfo iri mu itsinda rya G20
U Bugereki bwafashe icyemezo cyo gukumira abana bari munsi y’imyaka 15 ku mbuga nkoranyambaga