Perezida w’u Burundi, Evariste Ndayishimiye, yavuze ko ikibazo cy’ibura ry’ibikomoka kuri peteroli kitakigarukira ku Burundi gusa, ahubwo ko cyibasiye n’ibindi bihugu bitewe n’ingaruka z’intambara ihanganishije Leta Zunze Ubumwe za Amerika na Iran.
Yabitangaje mu kiganiro yagiranye na BBC Gahuzamiryango, ubwo yibutswaga ko mu 2022 yari yasezeranyije gukemura ikibazo cyari kimaze igihe cyugarije u Burundi.
Ubwo umunyamakuru yamwibutsaga ko ikibazo cy’ibikomoka kuri peteroli kigihari, Ndayishimiye yahise amusubiza ati: “Iki kibazo ntikikiri icy’u Burundi gusa.”
Yasobanuye ko kubona ibikomoka kuri peteroli bishingira ku bushobozi igihugu gifite bwo kubona amadovize, ava ahanini mu byo cyohereza mu mahanga. Yavuze ko u Burundi buri gukomeza kongera umusaruro woherezwa hanze, cyane cyane avoka n’amabuye y’agaciro, kugira ngo bubone amadovize ahagije.
Perezida Ndayishimiye yavuze kandi ko mbere y’ibibazo bya politiki byabaye mu 2015, u Burundi bwari bufite amadovize menshi, ariko ko igice kinini cyayo cyaturukaga ku nkunga z’amahanga. Yongeyeho ko izo nkunga zahagaze, bituma igihugu gihindura uburyo cyashakagamo amadovize.
Yagaragaje ko u Burundi bugomba kwishingikiriza ku mutungo wabwo no kongera ibyo bwohereza ku masoko mpuzamahanga, aho gukomeza gutegereza inkunga z’amahanga.
Mu gusoza, yafatiye urugero kuri Leta Zunze Ubumwe za Amerika, avuga ko nk’uko na yo yagiye yubaka ubushobozi bwayo mu rwego rw’ingufu buhoro buhoro, u Burundi na bwo bugomba gukomeza urugendo rwo kwigira no gushaka ibisubizo birambye by’ikibazo cy’ibikomoka kuri peteroli.
Izindi nkuru:
U Bushinwa bwasubitse gahunda yo gucyura Abashinwa batatu bari mu isanzure
Ubuhamya bwa Kanani “Giturashyamba” wahagaritse ubuhigi muri Nyungwe nyuma yo kwica inyamaswa zisaga 5000
FARDC yasabye FDLR gushyira hasi intwaro: Ibishobora gukurikiraho?
Israel VS Iran: Ni inde ufite indege z’intambara zikomeye?
OpenAI yahagaritse Adult Mode muri Porogaramu ya ChatGPT
Hatangajwe icyemezo cyafatiwe umunyapolitiki Ingabire Victoire ku ifungwa yasabiwe
Kirehe: GIZ yatangije icyiciro cya kabiri cya Job Fair ihuza abashaka akazi n’abagatanga
Umukecuru w’imyaka 70 uvuga ko yavuye ba Perezida Paul Kagame na Yoweri Kaguta Museveni wa Uganda, arifuza kubonana na bo.
REG yatangaje ibura ry’amashanyarazi rizamara amasaha 13 mu Ntara y’Iburasirazuba no muri Kigali
Tanzania: Perezida Samia ahabwa amahirwe menshi mu matora arimo amakimbirane n’ubwumvikane buke