Minisitiri w’Intebe wa Hongrie, Viktor Orbán, yashinje Abanya-Ukraine gufatanya n’Ishyaka Tisza ritavuga rumwe n’ubutegetsi mu kwiba no gushyira hanze amakuru y’abantu barenga 200.000 bo muri Hongrie.
Ayo makuru yashyizwe ku rubuga rwo muri Hongrie rwitwa LeakBase.la mu cyumweru gishize, akaba arimo amazina, nimero za telefone n’andi makuru bwite y’abaturage.
Ubuyobozi bwa Hongrie buvuga ko ayo makuru yaturutse muri porogaramu (application) y’Ishyaka Tisza yitwa TISZA Világ, aho yakusanywaga mu buryo butemewe n’amategeko.
Minisitiri w’Intebe Orbán yavuze ko iki gikorwa ari “uguhungabanya umutekano w’igihugu” ndetse ashinja iryo shyaka kugira uruhare rukomeye mu gukwirakwiza ayo makuru. Ati:
“Amakuru bwite y’abantu 200.000 yashyizwe kuri internet batabishaka. Dushingiye ku makuru dufite, ayo makuru yibwe yakusanyijwe n’Ishyaka rya Tisza.”
Yakomeje avuga ko hari ibimenyetso by’uko abantu bo muri Ukraine bafashije mu guhererekanya ayo makuru, anategeka ko hatangira iperereza ryimbitse.
Ku rundi ruhande, Péter Magyar, umuyobozi w’Ishyaka Tisza, yahakanye ibyo ashinjwa avuga ko application yabo yinjiriwe n’aba-hackers bo mu mahanga bashobora kuba Abarusiya, ariko ntiyigeze atanga ibimenyetso bifatika bibigaragaza.
Izindi nkuru:
Joseph Kabila yahamijwe n’Urukiko rwa Gisirikare igihano cy’urupfu
FARDC yasabye FDLR gushyira hasi intwaro: Ibishobora gukurikiraho?
Gisagara: Polisi yashimiye Clubs zo mu mashuri zishinzwe zikumira ibyaha
Minisitiri Nduhungirehe yasubije Tshisekedi washinje u Rwanda gushaka kwigarurira igice cya RDC
Rwanda: Afurika ikwiye umwanya uhoraho mu Kanama k’Umutekano ka Loni
Perezida Samiya wa Tanzania yahaye gasopo abapfumu bo mu gihugu cye
Abacanshuro ba Blackwater bazarusyaho imbere ya M23?
Minister Nduhungirehe confident Rwanda won’t be asked again to give passage to foreign mercenaries in DRC
Ibibazo bine bikomeje kubangamira amasezerano y’amahoro hagati y’u Rwanda na RDC, nk’uko byagaragajwe na Minisitiri Nduhungirehe
Ukraine yashinje Hongrie drones zavogereye ikirere cyayo