Inteko Ishinga Amategeko ya Leta Zunze Ubumwe za Amerika, Senate, yemeje Todd Blanche nk’Umushinjacyaha Mukuru wa Leta (Attorney General) mu matora ryabaye mu gitondo cya kare cyo kuwa Gatandatu. Yemejwe ku majwi 50 kuri 49, bituma aba umuyobozi wemewe w’Urwego rushinzwe Ubutabera rwa Amerika (Department of Justice).
Blanche wahoze ari umwunganizi bwite wa Perezida Donald Trump, yari asanzwe ayobora uru rwego by’agateganyo. Kwemezwa kwe kumuhaye ububasha busesuye bwo kuyobora ibikorwa by’Urwego rushinzwe Ubutabera no gushyira mu bikorwa gahunda z’ubutegetsi bwa Trump.
Trump amaze igihe agaragaza ko ashaka ko Urwego rushinzwe Ubutabera rukora iperereza ku bantu cyangwa abanyapolitiki afata nk’abamurwanya. Ibi byatumye kwemeza Blanche kuri uyu mwanya guteza impaka, kubera umubano wa hafi afitanye na Trump.
Itora ryabaye nyuma y’ibiganiro bikomeye byo kwemeza Blanche, aho aba-Demokarate ndetse na bamwe mu ba-Republican bagaragaje impungenge ku kuba umufatanyabikorwa wa hafi wa Perezida Trump ayobora urwego rw’ubutabera, ubusanzwe rwagiye rushimangira ko rugomba kwigenga kuri White House.
Blanche abaye Umushinjacyaha Mukuru wa kabiri wemejwe kuva Trump yongera gutorerwa kuyobora Amerika umwaka ushize.
Izindi nkuru:
AFC/M23 yavuze ko itazihanganira ibikorwa by’ingabo z’u Burundi bikomeje kwibasira abasivili
Uko uruganda rukora imodoka ‘Chery’ rwakuze rukagera ku rwego mpuzamahanga mu gukora imodoka
Umugenzi wo muri Angola yapfiriye mu ndege yerekeza i Maputo
Robert Francis Prevot watorewe kuba Papa ni muntu ki? Yahisemo izina Papa Leo XIV
NHIC Yakoresheje Ubwenge Buhangano na ‘e-Banguka’ mu Guhindura Urwego rw’Ubuzima
Mu buyapani hakozwe imashini nshya ikarabya umuntu mu minota 15 gusa
Koreya y’Epfo: Abayobozi barashinjwa uburangare kubera indege yahitanye abantu 179
Dr Sabin Nsanzimana: Dukwiye gufata inzoga zitujuje ubuziranenge nk’icyorezo.
FCC yasabye abaturage ba Congo kurwanirira Joseph Kabila.
Amajyepfo: Litiro zirenga ibihumbi 31 z’ibinyobwa bitujuje ubuziranenge zamenwe