Ingabo za Israel zishinjwa kwica abantu 93 kuva agahenge katangira muri Gaza

Minisiteri y’Ubuzima ya Palestina yatangaje ko kuva ku wa 11 Ukwakira 2025, ubwo agahenge hagati ya Israel na Hamas katangira kubahirizwa, ingabo za Israel zimaze kwica abantu 93 mu ntara ya Gaza, naho abagera kuri 324 bagakomereka.

Iyi Minisiteri ibitangaje ku wa 25 Ukwakira 2025, nyuma y’aho mu masaha 48 ashize habaye igitero cya Israel muri Gaza cyahitanye abantu 19, abandi barindwi bagakomereka.

Umuryango Red Crescent Society watangaje ko mu bakomeretse harimo abantu babiri barashwe bari mu modoka mu gace ka Bani Suheila, mu burasirazuba bwa Khan Younis, mu majyepfo ya Gaza.

Minisiteri y’Ubuzima ya Palestina yibukije ko kuva mu Ukwakira 2023, ibitero by’ingabo za Israel bimaze kwicirwamo abantu 68,519, mu gihe abandi 170,381 bakomeretse.

Agahenge kari hagati ya Israel na Hamas kakubiyemo gahunda yo guhererekanya imbohe n’imfungwa, nk’uko biteganywa mu mushinga wateguwe na Perezida Donald Trump wa Leta Zunze Ubumwe za Amerika.

Byitezwe ko nyuma yo gusohora imbohe n’imfungwa, agahenge kazakomeza mu gihe hagikomeje ibiganiro bigamije amahoro arambye hagati ya Gaza na Israel.

Mu masezerano Amerika iri gushyigikira, ingabo za Israel zizava muri Gaza, Hamas igasenyerwa burundu, naho umutekano w’iyi ntara ugashyirwa mu maboko y’ingabo z’amahanga, ikabona ubuyobozi bushya butabogamye muri politiki.

Izindi nkuru:

Trump yari hafi gukaranga umunyamakuru wari ugiye kumena ikirahure cyo mu biro bye Urugamba rwongeye gukara hagati ya M23 na Wazalendo Tanzania yirukanye Boniface Mwangi wa Kenya “Amazi ntakiri ya y’andi!” Intambara hagati ya Iran na Israel yakomeye Umuyaga ukaze wasubitse ingendo z’indege zirenga 100 muri Nouvelle-Zélande Ingabo za Congo zirashijwa kurya inka za Joseph Kabila wahoze ari perezida wa Congo (DRC). Tanzania: Polisi ya Tanzania yabitse Perezida Samia Suluhu Hassan Inkongi y’umuriro yongeye kwibasira America, ishobora kugera ahabitse ibisasu kirimbuzi, abasaga ibihumbi 3 bamaze kugirwaho ingaruka niyi nkongi. Paris: Inzu ndangamurage ya Louvre yahagaritse imirimo kubera ubujura bwateje impagarara U Burayi: Abarenze 24,000 bapfuye kubera ubushyuhe bw’imbeho y’impeshyi ya 2025 Malaysia: Trump yatunguranye acinya akadiho ubwo yageraga i Kuala Lumpur Umwimukira Amerika yohereje muri Uganda akanga, Liberia yemeye kumwakira Kenya: Abigaragambya barashinjwa kugerageza guhirika ubutegetsi Emir wa Qatar yagiye gusuhuza Trump mu ndege ye iri gushyirwamo amavuta M23 irashinja Leta ya DRC ko irimo kwitegura intambara yeruye Israel VS Iran: Ni inde ufite indege z’intambara zikomeye? Amerika yohereje ubwato bw’intambara muri Trinidad and Tobago, hafi ya Venezuela Minisitiri weguye muri Guverinoma ya Congo yabyegetse ku Rwanda Umugore wa Alexei Navalny ashinja Putin kuba ari we wategetse kwicisha umugabo we Gen Muhoozi yageze i Kinshasa bwa mbere mu myaka irenga 20